काठमाडौं । नेपाल आयल निगमले पेट्रोल, डिजेल र हवाई इन्धनको मूल्य वृद्धि गरेको हो । अन्तर्राष्ट्रिय बजारमा पेट्रोलियम पदार्थको मूल्य बढेर आएको भन्दै निगमले मूल्य बढाएको हो । साउन १८ गते बिहान १ बजेदेखि लागू हुने गरी निगमले मूल्य बढाएको हो । निगमको यो मूल्यवृद्धि कार्यान्वयनमा आइसकेको छ ।

भारतीय आयल कर्पोरेसन (आईओसी) बाट १५ साउनमा प्राप्त नयाँ खरिद मूल्यअनुसार पेट्रोलमा प्रतिलिटर २०.१९ रुपैयाँ र डिजेलमा ३९.६७ रुपैयाँ बढेर आएको भए पनि उपभोक्ताको हितलाई ध्यानमा राखेर न्यून दरमा मात्र मूल्य बढाइएको निगमको दाबी छ ।

निगमका अनुसार प्रतिलिटर पेट्रोलमा ३, डिजेल र मट्टितेलमा २ र हवाई इन्धनमा प्रतिलिटर २० रुपैयाँले मूल्यवृद्धि भएको हो ।

योसँगै पेट्रोलको मूल्य पहिलो वर्गका लागि प्रतिलिटर १९७, दोश्रो वर्गका लागि प्रतिलिटर १९९ र तेश्रो वर्गका लागि २०० रुपैयाँ पुगेको छ । यसअघि क्रमशः पहिलो, दोश्रो र तेश्रो वर्गका लागि १९४, १९६ र १९७ रुपैयाँ मूल्य कायम रहेको थियो । त्यस्तै डिजेल र मट्टितेलको मूल्य पहिलो वर्गका लागि प्रतिलिटर १९७, दोश्रो वर्गका लागि १९९ र तेश्रो वर्गका लागि प्रतिलिटर २०० रुपैयाँ कायम भएको छ ।

यसअघि डिजेल र मट्टितेल क्रमशः पहिलो, दोश्रो र तेश्रो वर्गका लागि प्रतिलिटर रु १९२, १९४ र १९५ रुपैयाँ कायम थियो ।

त्यस्तै, हवाई इन्धनको मूल्य २२९ रुपैयाँबाट बढेर प्रतिलिटर २४९ रुपैयाँ पुगेको छ । खाना पकाउने एलपी ग्यासको मूल्य भने प्रतिसिलिन्डर २०६० रुपैयाँ यथावत राखिएको छ ।

नेपाल आयल निगमले पेट्रोलियम पदार्थको मूल्य समायोजन गर्दा पनि १५ दिनमै झण्डै डेढ अर्ब रुपैयाँ घाटा हुने दाबी गरेको छ ।

सम्बन्धित समाचार

स्मार्ट टेलिकममा ‘स्मार्ट छलछाम’ : स्मार्ट सेल लिलाम प्रक्रियामा एनसेलका कर्मचारीले नै उठाए प्रश्न अधिकारीविरुद्ध १ करोड ७१ लाख रुपैयाँ बिगो दाबीसहित भ्रष्टाचार मुद्दा दायर वीरगन्ज भन्सारको राजश्व प्रगति ८९ प्रतिशत जीर्ण भन्सार कार्यालयलाई लक्ष्य प्राप्तिको चिन्ता दूरसञ्चार कानुन र मन्त्रिपरिषद्का निर्णय अदालतको आदेशलाई एनसेलको चुनौती प्रवासी नेपालीलाई मातृभूमिको विकासका निम्ति लगानी गर्न अर्थमन्त्रीको आग्रह उद्योग विभागका अधिकांश सेवा अब पूर्णरूपमा ‘अनलाइन’ मार्फत, सेवाग्राहीले कार्यालय धाउन नपर्ने फास्ट ट्रयाक निर्माणमा मुख्यमन्त्रीकै कम्पनीको मनोमानी