काठमाडौं । डा. कपिल रिजाल निर्देशीत फिल्म ‘गौंथली’ को व्यापार साढे १३ करोड रूपैयाँ नाघेको छ।

चलचित्र विकास बोर्डले सोमबार सार्वजनिक गरेको बक्सअफिस रिपोर्टअनुसार, फिल्मको ग्रस कलेक्सन १३ करोड ६४ लाख ४६ हजार ५३५ रूपैयाँ पुगेको छ। फिल्मका चार लाख ९४ हजार ९१५ टिकट बिक्री भएका छन्। साउन १ गतेदेखि प्रदर्शनमा आएको यस फिल्मले १७ दिनमै यो कमाइ गरेको हो।

‘गौंथली’ यस वर्ष सर्वाधिक कमाइ गर्ने नेपाली फिल्म हो। यसले यसअघि प्रदर्शनमा आएका थुप्रै चर्चित फिल्मको बक्स अफिस कमाइलाई समेत पछि पारेको छ।

अहिलेसम्मको बक्सअफिस तथ्याङ हेर्दा यो फिल्म नेपाली फिल्मको इतिहासमा सर्वाधिक कमाउने सूचीको १२औं स्थानमा छ। यस फिल्मले ‘जेरी अन टप’ (१२ करोड २८ लाख), ‘शत्रु गते’ (१२ करोड ६५ लाख) र ‘आबाट आमा’ (१३ करोड २० लाख) को लाइफटाइम कलेक्सनलाई समेत उछिनेको छ।

डा. भोला रिजालको कथा रहेको फिल्ममा अरूण क्षेत्री र सिम्रन खड्का मुख्य भूमिकामा छन्। फिल्मका निर्माता सुमन गिरी र कपिल रिजाल हुन्।

सम्बन्धित समाचार

सुगम सङ्गीतका अमर गायक अरूण थापाको स्मरण भक्ति सङ्गीतको १६औँ शृङ्खला सम्पन्न चितवन राष्ट्रिय निकुञ्जले बाँड्यो एक करोड २९ लाख राहत च्याउ खोज्न जंगल गएका १४ महिला बेपत्ता सामाजिक सुरक्षा कोषमा ३० लाख बढी योगदानकर्ता आबद्ध स्मार्ट टेलिकममा ‘स्मार्ट छलछाम’ : स्मार्ट सेल लिलाम प्रक्रियामा एनसेलका कर्मचारीले नै उठाए प्रश्न अन्नपूर्ण क्षेत्रमा एक सय ६९ देशका पर्यटकले गरे भ्रमण