काठमाडौं । आगामी २०औँ एसियाली खेलकुदमा करातेको काता विधाबाट पनि नेपालले पदकको आशा गरेको छ ।

जापानको आइची–नागोयामा आगामी असोज ३ गतेदेखि हुने एसियाली खेलकुदमा नेपालले महिला एकल र महिला टिम कातामा प्रतिस्पर्धा गर्दैछ ।

नेपाल कराते महासंघका अनुसार महिला एकल कातामा सानुमाया थिङ तथा टिम कातामा सानुमायासँगै मेघा लिम्बू र एलिसा रास्कोटी मगरले प्रतिस्पर्धा गर्नेछन् । काता प्रशिक्षक मण्डेकाजी श्रेष्ठको प्रशिक्षणमा टोलीले तयारी गरिरहेको छ ।

नेपालले पहिलोपटक महिला टिम कातामा एसियाली खेलकुदमा प्रतिस्पर्धा गर्न लागेको हो ।

राष्ट्रिय खेलकुद परिषद्का अनुसार ‘मिसन २०२६’ अन्तर्गत एसियाली खेलकुदलाई लक्षित गरी लामो समयदेखि बन्द प्रशिक्षण सञ्चालन हुँदै आएको छ । परिषद् र नेपाल ओलम्पिक कमिटीले एसियाली खेलकुदका लागि नेपाली टोलीको अन्तिम तयारी र व्यवस्थापनमा सहकार्य गरिरहेका छन् ।

सम्बन्धित समाचार

सरकारको सिस्टम बिग्रिँदा सेवाग्राहीलाई दोब्बर जरिवाना ग्वार्कोस्थित फ्लाइओभरमा बस ठोक्किँदा मृत्यु भएकी महिलाको पहिचान राप्रपाले राजाको नाममा भोट मात्रै बटुल्यो : धवलशमशेर कैलालीमा फायरिङ अभ्यासका क्रममा ह्याण्ड ग्रिनेड विस्फोट, दुई सैनिक घाइते ६० अर्बको एकमहिने निक्षेप संकलन गर्दै केन्द्रीय बैंक देशका विभिन्न स्थानमा सडक अवरुद्ध, यातायात प्रभावित देशभर ९६ प्रतिशतभन्दा बढी धान रोपाइँ सम्पन्न प्रधानमन्त्री र मन्त्रीलाई टि-सर्ट लगाएर संसद्‌मा आउन रोक लगाइयोस्: एमाले सांसद पोखरेल