काठमाडौं । मनाङ र मुस्ताङ जिल्ला नेपालले गुमाउन सक्ने मेडिकल व्यवसायी दुर्गा प्रसाईंले चेतावनी दिएका छन् । सामाजिक सञ्जालमार्फत धारणा सार्वजनिक गर्दै प्रसाईंले नेपाललाई तिब्बत मामिलामा प्रयोग गर्ने वा शक्ति राष्ट्रहरूको प्रोक्सी द्वन्द्वको मैदान बनाउने प्रयास स्वीकार्य नहुने उल्लेख गरेका छन् ।
उनले प्रधानमन्त्री बालेन्द्र शाहको मुस्ताङ भ्रमणलाई बाह्य शक्तिहरूले आफ्नो रणनीतिक स्वार्थका लागि प्रयोग गर्न खोजेको दाबी गर्दै त्यसको असर नेपालका हिमाली जिल्लासम्म पर्न सक्ने बताएका छन् ।
उनले प्रधानमन्त्री शाहको लोकप्रियता र मुस्ताङ भ्रमणलाई अन्तर्राष्ट्रिय शक्तिहरूले हिमाली क्षेत्रमा आफ्नो प्रभाव विस्तार गर्ने माध्यम बनाउन खोजेको आरोप लगाए । यस’bout प्रधानमन्त्री स्वयं जानकार छन् कि छैनन् भन्ने प्रश्नसमेत उनले उठाएका छन् ।
सरकारले यस्ता गतिविधि नरोकिए नेपालका हिमाली जिल्ला मनाङ र मुस्ताङ जुनसुकै बेला गुम्न सक्ने दाबी गर्दै त्यसको जिम्मेवारी वर्तमान सरकारले लिनुपर्ने प्रसाईंको चेतावनी छ ।
प्रसाईंले नेपालको उत्तरी सीमा र भू–राजनीतिक संवेदनशीलताको चर्चा गर्दै ऐतिहासिक बेत्रावती सन्धि, सीमा क्षेत्रमा २० किलोमिटर निशस्त्रीकरणको अवधारणा, थापाथली सन्धि तथा पूर्वराष्ट्रपति विद्यादेवी भण्डारीको पारवहन प्रोटोकल सम्झौतालगायतका विषय पनि उल्लेख गरेका छन् ।
उनले पछिल्लो समय विश्व राजनीतिमा ‘प्याक्स सिलिका’, महत्वपूर्ण खनिज तथा मुस्ताङमा युरेनियम उत्खननसँग जोडिएका चर्चा र रणनीतिक चासो बढेको दाबीसमेत गरेका छन् ।
सम्बन्धित समाचार
बागमतीका मुख्यमन्त्री बानियाँले ३ भदौभित्र विश्वासको मत लिने, पाउँलान् त ?
कोशीबाट कांग्रेसका ५ मन्त्रीले दिए सामूहिक राजीनामा
युवा पुस्तालाई परराष्ट्र नीतिको केन्द्रमा जोड्दै सरकार
परराष्ट्रको ‘नेपाली नागरिकको उद्धार तथा शव फिर्ती कार्यविधि’ अर्थ मन्त्रालयमा
कांग्रेस जोगाउन ‘विधान निलम्बन’ प्रस्ताव
सुदूरपश्चिमका मुख्यमन्त्री भट्टले पाए विश्वासको मत
विज्ञ ल्याउने नाममा ‘सहकारी बद्मास’लाई मन्त्रालयको साँचो
सरकार र नागरिक बचाउ महाअभियानबीच १४ बुँदे सहमति
