काठमाडौं । मलेसियामा जारी तेस्रो संस्करणको एसिसी प्रिमियर कप एकदिवसीय क्रिकेट प्रतियोगिता अन्तर्गत साउदी अरेबियाविरुद्ध नेपालले ‘टस’ हारेर ‘फिल्डिङ’को निम्तो पाएको छ ।

नेपाल र साउदी अरेबियाबीचको प्रतिस्पर्धा क्लालालम्पुरस्थित वायुमास ओभलको मैदानमा भइरहेको हो । नेपाल आज पनि आफ्नो जित यात्रा जारी राख्न चाहन्छ ।

नेपालले पहिलो र दोस्रो खेलमा क्रमशः बहराइनलाई सात विकेट र आयोजक मलेसियालाई छ विकेटले हराएको थियो ।

नेपाली टोलीसामु आज जित निकालेर एक खेलअगावै सेमिफाइनलमा स्थान बनाउने मौका छ । समूह ‘ए’ मा रहेको नेपाल ताजा अवस्थामा दुई खेलबाट चार अङ्कसहित तालिकाको शीर्ष स्थानमा छ । नेपालविरुद्ध खेल्ने साउदी अरेबिया भने तीन खेलबाट दुई अङ्कसहित तालिकाको पुछारमा छ ।

दुई टोलीबीचको इतिहास

हालसम्म नेपाल र साउदी अरेबियाबीच दुई एकदिवसीय खेलमा भेट भएको छ । जसमा नेपालले एक खेल जितेको छ । यी दुई टोलीबीचको एउटा खेल भने वर्षाका कारण रद्द भएको विगत छ ।

नेपाल र साउदीले पहिलोपटक सन् २०१२ मा एकदिवसीय प्रतियोगितामा एकअर्काको सामना गरेका थिए । युएईमा भएको त्यस खेलमा नेपालले साउदी अरेबियालाई नौ विकेटले हराएको थियो ।

सन् २०२३ को एसिसी प्रिमियर कपमा भने नेपाल र साउदीबीचको खेल वर्षाका कारण रद्द भएको थियो ।

नेपालले आजको खेलमा प्लेइङ–११ मा एक खेलाडी मात्र परिवर्तन गरेको छ । नेपालले साउदीविरुद्ध तीव्र गतिका बलर हेमन्त धामीलाई विश्राम दिएर स्पिनर शेर मल्ललाई मौका दिएको हो ।

आजको खेलमा नेपालको प्लेइङ–११ मा आसिफ शेख, अर्जुन कुमाल, देव खनाल, इशान पाण्डे, रोहितकुमार पौडेल, दीपेन्द्र सिंह ऐरी, गुलशनकुमार झा, करण केसी, सन्दीप लामिछाने ९कप्तान०, ललितनारायण राजवंशी र शेर मल्ल रहेका छन् ।

सम्बन्धित समाचार

मलेसियाविरुद्ध नेपाललाई फिल्डिङको निम्तो मलेसियाविरुद्ध नेपालको लगातार दोस्रो जित बहराइनले दियो नेपाललाई ८८ रनको सामान्य लक्ष्य मलेसियाले नेपाललाई दियो एक सय चार रनको सामान्य लक्ष्य नेपाल ‘ए’ ‘टस’ जितेर न्युजिल्यान्ड विरुद्ध ‘ब्याटिङ’ गर्दै दास व्यापार तथा यसको उन्मूलनको स्मरणका लागि अन्तरराष्ट्रिय दिवस सिँचाइ विकाससँगै कृषि उत्पादन र रोजगारी विस्तारमा मन्त्री श्रेष्ठको जोड सबै आपराधिक घटना प्रहरीको ‘इन्स्टिच्युसनल मेमोरी’ मा छ : प्रहरी महानिरीक्षक कार्की