काठमाडौं । निखिल उप्रेतीको निर्देशन र निर्माणमा बनेको चलचित्र ‘आचार्य’को पहिलो गीत सार्वजनिक भएको छ । ‘लै बरी लै’ बोलको गीतमा गौरंगा शेखर शर्मा र जोत्सना जवदको स्वर तथा युग भुसालको शब्द तथा संगीत छ । 

रोमान्टिक गीतको भिडियोमा निखिल उप्रेती र मोडल सजिना श्रेष्ठ फिचर्ड छन् । ‘आचार्य’ असोज ९ गतेबाट प्रदर्शनमा आउँदै छ । चलचित्रमार्फत पूर्णिका सिँजापतिले नव–नायिकाका रूपमा डेब्यु गरेकी छन् । 

दक्षिण भारतीय कलाकार रघु बाबू र रघु करुमन्चीसँगै बलिउड कलाकार दीपजंग राणा र रोहित चौधरीका साथै ध्रुव कोइराला, सुरेश कोहली, रञ्जित कोइराला, जेसिका पोखरेल, कृतिका, सरिता ज्ञवाली, अनुप तुलाधर, एलिस खनाल, अजय थापा, सुबिन गुरुङ, रोशनी र सोनिका वास्तोलालगायतको अभिनय रहेको छ । 

सौरभ लामा, मनु विक र नवराज थापाकोे छायांकन रहेको चलचित्रमा शुक्रराज शाहको एक्सन निर्देशन छ । बन्दे प्रसादले सम्पादन गरेको ‘आचार्य’को टिजर तथा ट्रेलर भने सन्देश शाहले तयार पारेका हुन् । चलचित्रको निर्माता अभिनेत्री सञ्चिता लुइँटेल र कृष्ण भट्टराई छन् ।

सम्बन्धित समाचार

‘लोकबहादुर गुरुङ स्मृति सम्मान’ गायक गुरुङलाई एकल कविता वाचनमार्फत बुधबार बाढीपीडितका लागि सहयोग जुटाउँदै प्रकाश सायमी ‘मिर्जापुर: द मुभी’ का निर्मातामाथि गीत चोरीको आरोप बलिउड अभिनेत्री जो सिनेमा छाडेर बनिन ज्योतिष प्रकाश दुतराजको लोकसङ्गीत साङ्गीतिक समूह प्रधानमन्त्री बालेनले गरे ओस्करमा पुगेको चलचित्र ‘तिनीहरू’ को प्रमोसन विपद्को पीडामा खल्लो बन्दै तीज महाकवि देवकोटाको ६७औँ स्मृति दिवस मनाइँदै