काठमाडौं । बालबालिकाको प्रतिभालाई बाहिर ल्याउने दुई रियालिटी शो एकसाथ सुरु हुने भएको छ । 

एएनपी मिडिया हाउसले बालबालिकाबीचको डान्स रियालीटी शो नेशन्स गट ट्यालेन्ट (राष्ट्रको प्रतिभा) सिजन ३ र गायन प्रतियोगिता जुनियर सिङ्गिङ आइडल नेपाल सिजन २ आगामी असोज ३ गते शनिबारदेखि एकसाथ सुरु गरिन लागेको हो ।

सातदेखि १३ वर्ष उमेर समूहका बालबालिकाको सहभागिता रहने दुवै कार्यक्रमको छायांकन एपी वान टेलिभिजनको स्टुडियोमा हुनेछ । कार्यक्रम एपी वान टेलिभिजनबाट प्रसारण हुने आयोजक संस्था एएनपी. मिडिया हाउसका प्रवन्ध निर्देशक लबबहादुर कार्कीले जानकारी दिए । 

डान्सतर्फको कार्यक्रम ओएसआर रियालिटी युट्युब च्यानल र सिङ्गिङतर्फको कार्यक्रम एभेनटोज डिजिटल युट्युब च्यानलबाट पनि प्रसारण हुने उनले जानकारी गराए । दुवै कार्यक्रमको भोटिङ पार्टनर एभेनटोज कम्पनी रहेको छ ।

गत वैशाखदेखि उपत्यकाको विभिन्न स्थानीयस्तरमा सञ्चालन गरिएको अडिसनमा डान्सतर्फ करिब सात सय र सिङ्गिङतर्फ चार सय बालबालिकाले सहभागिता जनाएका थिए । स्थानीय अडिसनबाट छनोट भएका डान्सतर्फका १८० र सिङ्गिङतर्फका १४० बालप्रतिभाले अब मेगा अडिसनमा प्रतिस्पर्धा गर्नेछन् ।

नेशन्स गट ट्यालेन किड्स डान्सको मेगा अडिसनका निर्णायकमा निर्देशक तथा कोरियोग्राफर केशवराज भट्ट, कलाकार तथा मोडल राज टाइगर र मोडल कविता न्यौपाने छन् । जुनियर सिङ्गिङ आइडल नेपालको मेगा अडिसनमा संगीतकार तथा गायक राजेन्द्र बजगाईं, गायिका रीता केसी र गायिका सारिका घिमिरे निर्णायकका रूपमा रहनेछन् ।

मेगा अडिसनपछि निर्णायकको छनोटबाट ६० र दर्शकको भोटिङबाट २० गरी दुवै विधाबाट कुल ८० बालप्रतिभा टेलिभिजन राउण्डमा प्रवेश गर्नेछन् । डान्सको टेलिभिजन राउण्डमा अभिनेत्री मिथिला शर्मा, वरिष्ठ नृत्य निर्देशक कमल राई र मोडल सरोज प्रजा निर्णायक रहनेछन् । सिङ्गिङतर्फ गायिका कुन्ती मोक्तान, गायक आनन्द कार्की र संगीतकार तथा गायक वसन्त सापकोटा निर्णायकका रूपमा रहनेछन् । 
 

सम्बन्धित समाचार

‘लोकबहादुर गुरुङ स्मृति सम्मान’ गायक गुरुङलाई एकल कविता वाचनमार्फत बुधबार बाढीपीडितका लागि सहयोग जुटाउँदै प्रकाश सायमी ‘मिर्जापुर: द मुभी’ का निर्मातामाथि गीत चोरीको आरोप बलिउड अभिनेत्री जो सिनेमा छाडेर बनिन ज्योतिष प्रकाश दुतराजको लोकसङ्गीत साङ्गीतिक समूह प्रधानमन्त्री बालेनले गरे ओस्करमा पुगेको चलचित्र ‘तिनीहरू’ को प्रमोसन महाकवि देवकोटाको ६७औँ स्मृति दिवस मनाइँदै निखिल र सजिना फिचर्ड ‘आचार्य’ को ‘लै बरी लै’ गीत सार्वजनिक