काठमाडौं । नेपाली कांग्रेसको १५औँ महाधिवेशनअन्तर्गत केन्द्रीय कार्यसमितिको निर्वाचन कार्यक्रम सार्वजनिक भएको छ । निर्वाचन समितिले आज निर्वाचन कार्यक्रम तथा कार्यतालिका प्रकाशन गरेको हो ।

निर्वाचन कार्यतालिकाअनुसार आज असोज १९ गते बेलुका ५ बजे मतदाता नामावली प्रकाशन गरिनेछ । यस्तै, बेलुका ५ देखि ६ः३० बजेसम्म मतदाता नामावलीउपर दाबी विरोध गर्न सकिनेछ । दाबी विरोधउपर ६ः३० देखि ७ः३० बजेसम्म जाँचबुझ गरी बेलुका ८ः३० बजे मतदाताको अन्तिम नामावली प्रकाशन गरिनेछ ।

उम्मेदवारीका लागि दरखास्त तथा मनोनयनपत्र दर्ता भोलि २० गते बिहान १० बजेदेखि दिउँसो ३ बजेसम्म हुनेछ । सोही दिन दिउँसो ४ः३० बजे उम्मेदवारको प्रथम नामावली प्रकाशन गरिनेछ । उम्मेदवारको दरखास्तउपर ४ः३० देखि ५ः३० बजेसम्म दाबी विरोध र ५ः३० देखि ६ः३० बजेसम्म त्यसउपर जाँचबुझ गरिनेछ ।

उम्मेदवारको दोस्रो नामावली भोलि नै प्रकाशित हुनेछ । भोलि असोज २० गते बेलुका ७ बजे प्रकाशन हुनेछ । असोज २१ गते बिहान ९ बजेसम्म उम्मेदवारी फिर्ता लिन तथा उम्मेदवारी सच्याउन निवेदन दिन सकिनेछ । त्यसपछि बिहान १० बजे उम्मेदवारको अन्तिम नामावली प्रकाशन गरिनेछ । उम्मेदवारलाई सोही दिन दिनभर प्रचारप्रसारका लागि समय दिइनेछ ।

असोज २२ गते बिहान ७ः३० बजेदेखि बेलुका ५ बजेसम्म मतदान हुनेछ । मतदान राष्ट्रिय सभागृह, प्रदर्शनी मार्ग, खुलामञ्च र प्रज्ञा भवन कमलादीमा तोकिएका केन्द्रमा हुनेछ ।

सम्बन्धित समाचार

दमौली–भरतपुर २२० केभी प्रसारण लाइन : रुख कटानको स्वीकृति भोटेकोशी बाढी अपडेट : १ हजार ४५१ जनाको शव फेला, ४ हजार ६५५ बेपत्ता प्रधानमन्त्री बालेन्द्र शाह आज अमेरिका जाँदै जलवायु संकटको जोखिम नेपालका विपद्ले पुष्टि गरेको छ : महासचिव गुटेरेस समाज कल्याण परिषद्लाई थप प्रभावकारी बनाउने तयारी, पुनर्संरचनाको प्रतिवेदन मन्त्री सिता बादीसमक्ष पानी पर्न थालेपछि पहिचान गरिएका जोखिमयुक्त स्थान र विद्यालयमा काठमाडौं महानगरपालिकाको निगरानी विपदमा कुन मन्त्रालयको तयारी के छ ? सरकार भन्छ : उच्च सतर्कता अपनाइएको छ जलवायु परिवर्तनले सीमा चिन्दैन, हिमनदी र बाढी पासपोर्टमा भिसा लगाएर यात्रा गर्दैनन् : प्रधानमन्त्री शाह (सम्बोधनको पूर्णपाठ)