धनगढी । धनगढी उपमहानगरपालिकाले दुई सामुदायिक विद्यालयलाई ८८ सेट डेस्क–बेन्च वितरण गरेको छ ।

उपमहानगरपालिकाले विद्यालयको शैक्षिक गुणस्तर सुधार कार्यक्रमअन्तर्गत वडा नम्बर १६ स्थित श्री बेहडाबाबा माध्यमिक विद्यालयलाई ५० सेट र वडा नम्बर १८ स्थित श्री चन्द्रोदय माध्यमिक विद्यालयलाई ३८ सेट डेस्क–बेन्च वितरण गरेको हो ।

उपमहानगरपालिकाकी उपप्रमुख कन्दकला रानाले सामुदायिक विद्यालयको शैक्षिक गुणस्तर सुधारका लागि भौतिक पूर्वाधार विकाससँगै शिक्षकलाई तालिमलगायतका कार्यक्रम सञ्चालन गरिरहेको बताइन् ।

उनका अनुसार विद्यालयको आवश्यकता पहिचान गरी डेस्क–बेन्च वितरणलगायतका सहयोगलाई निरन्तरता दिइनेछ ।

डेस्क–बेन्च बुझ्दै चन्द्रोदय माध्यमिक विद्यालयका व्यवस्थापन समिति अध्यक्ष तथा वडा नम्बर १८ का वडाध्यक्ष भुवन रिजालले शिक्षालाई संविधानले मौलिक हकका रूपमा सुनिश्चित गरेको भन्दै त्यसअनुसार स्थानीय तहले शैक्षिक गुणस्तर सुधारमा ध्यान दिनुपर्ने बताए ।

उपप्रमुख रानाले आगामी दिनमा पनि सामुदायिक विद्यालयको भौतिक पूर्वाधार सुधार, शिक्षक तालिमलगायतका कार्यक्रमलाई प्राथमिकताका साथ अघि बढाइने बताइन् ।

सम्बन्धित समाचार

भारी वर्षाको चेतावनीपछि धनगढीमा नगर प्रहरीको माइकिङ सहमतिका लागि अछाम २ मा कांग्रेसको सहजीकरण समिति साल्ट ट्रेडिङको सुपथ मूल्य पसलमा उपभोक्ताको लाइन कुकुरको मासु बिक्री गरेको आरोपमा कैलालीमा एक जना पक्राउ सुदूरपश्चिममा आज रातिदेखि वर्षा बढ्ने, चार जिल्ला उच्च जोखिममा धनगढीमा घट्दै डुबानको समस्या, सडक र ढल व्यवस्थापनले दियो राहत डडेल्धुरामा जंगलमा प्रहरी जवान मृत फेला बझाङमा जिप दुर्घटना हुँदा चालकको मृत्यु, दुई जना घाइते