सर्लाही । कोरोना भाईरस कोभिड–१९ बाट बच्न दुई दिनमा लालबन्दी नगरपालिका वडा नं. १३ मा ३५ सय माक्स वितरण गरिएको छ । लालबन्दी–१३ पत्थरकोटमा बुधवार र विहिवार गरी कोरोना भाईरस संंक्रमण बाट बच्न जनप्रतिनिधिहरु घर–घरमै पुगेर मास्क तथा ७५० पिस हात धुने साबुन वितरण गरेका हुन् ।
लालबन्दी नगरपालिकामा सबैभन्दा बढि वडा नं. १३ माक्स तथा साबुन वितरण गरिएको जनप्रतिनिधिहरुले बताएका छन् । वडा अध्यक्ष शिवकृष्ण बैद्य, वडा सदस्य मोहन राउतले माक्स तथा साबुन जुटाएर घर घर मै पुगेर वितरण गरेपछी स्थानियहरु दङ्ग परेका छन् ।
भिडलाई मध्यनजर गर्दै भिड भाड नहोस् भनी प्रत्येक घरमा पुगेर मास्क वितरण गरिएकोे स्वास्थचौकी पत्थरकोटका अधिकृत अमित गौतमले जानकारी दिए । मास्क वितरण कार्यक्रममा प्रहरी चौकी पथरकोटका इन्चार्ज लगायत जनप्रतिनिधिहरुको सहभागिता रहेको समाजसेवी श्याम श्रेष्ठले जानकारी दिए ।
त्यस्तै ईश्वरपुर नगरपालिकामा कारोना भाईरस सक्रमण बाट बच्न १ हजार माक्स वितरण गरिएको छ । वडा नं. १३ श्रीनगरमा वडा अध्यक्ष रामकरण महतो, वडासदस्यहरु रामभरोस महतो,नथुनी साह,मनमायाँ बिक र गंगा माया श्रेष्ठले आफनो निजि लगानीमा मास्क वितरण गरेका छन् ।
