मुगु । महिलाहरुमा हुने पाठेघर मुखको क्यान्सरविरुद्धको खोप (एचपीभी) अभियान माघ चौथो साता २२ गतेदेखि फागुन ६ गतेसम्म मुगुमा खोप अभियान सञ्चालन हुने भएको छ ।
अभियान जिल्लाका चारै स्थानीय तहहरु छायाँनाथ रारा, खत्याड कार्मारोङ र सारु का सामुदायिक तथा संस्थागत विद्यालयका कक्षा ६ देखि १० सम्मका ३ हजार ८ सय ८५ जना छात्राहरुलाई लक्षित गरी एचपिभी खोप सञ्चालन हुने जिल्ला अस्पताल मुगुका स्वास्थ्य सेवा ब्यबस्थापक डाक्टर निर्मल नगरकोटीले जानकारी दिए।
कक्षा ६ देखि १० सम्मका बिधालय छात्रा र बिद्यालय बाहिरका १० देखि १४ बर्षका बालिका लाई बिधालयममा गएर एचपिभी खोप लगाइने छ ।
एचपीभी खोप अभियान २०८१ मुगुमा पहिलोपटक सञ्चालन गर्न लागिएकोले अभियानले बालिका हरूको स्वास्थ्य अबस्था सुधार गर्दै पाठेघर मुखको क्यान्सरको जोखिम न्यूनीकरण गर्ने अपेक्षा गरिएको डाक्टर निर्मल नगरकाेटीले बताए ।
जिल्ला स्वास्थ्य कार्यालय मुगुको अभियान लाई सफल पार्नका लागि विद्यालय, अभिभावक र सरोकारवालाहरुलाई सक्रियताका साथ हामी सबै सहभागी होइ दिन हुन र हामी सबै सरोकार वालाले सहयोग गर्नु पर्ने प्रमुख जिल्ला अधिकारी कमल प्रसाद पाण्डेले बताए ।