सङ्खुवासभाको खाँदबारी नगरपालिका–३ मानेभञ्याङमा छैटौँ मानेभञ्याङ कप फुटबल प्रतियोगिता हुने भएको छ । एड्भान्स क्लब मानेभञ्याङको आयोजनामा असोज २८ गतेदेखि छैटौँ मानेभञ्याङ कप फुटबल प्रतियोगिता हुने भएको हो । आज सदरमुकाम खाँदबारीमा पत्रकार सम्मेलन गर्दै छैटौँ मानेभञ्याङ कप २०८२ फुटबल प्रतियोगिता’bout जानकारी दिएको हो । प्रतियोगिता महेन्द्र माध्यमिक विद्यालयको खेल मैदानमा हुनेछ ।

सामाजिक सद्भावका लागि युवा एकता, विकृति विसंगतिका विरुद्ध खेलकुदद्वारा सहकार्यको प्रतिबद्धता भन्ने मूल नाराका साथ मानेभञ्ज्याङमा छैटौँ मानेभञ्याङ कप फुटबल प्रतियोगिता हुने भएको हो । पूर्वी पहाडी जिल्लाको महत्वपूर्ण प्रतियोगिता रहेको र खेल क्षेत्रमा छुट्टै पहिचान बनाउन संखुवासभा जिल्लामा खेल महोत्सवका रूपमा छैटौँ मानेभञ्याङ कप फुटबल प्रतियोगिता सञ्चालन गर्न लागिएको एड्भान्स क्लबका अध्यक्ष जिल्लामान राईले बताए । प्रतियोगितामा जिल्लाका विभिन्न २० फुटबल क्लवको सहभागिता रहने छ ।

विजयी टिमलाई नगद एक लाख रुपैयाँ ट्रफि,मेडल प्रमाणपत्रले सम्मान गरिने छ भने उपविजेतालाई नगद ५० हजार रुपैयाँ सहित ट्रफि,मेडल प्रमाणपत्रले सम्मान गरिने प्रतियोगितामा विभिन्न विधामा समेत नगद र ट्रफीले सम्मान गरिने आयोजकले जनाएको छ । त्यस्तैगरी सेमि फाइनालिष्ट दुई टिमलाई नगद २०÷२० हजार रुपैयाँ प्रदान गरिने आयोजक एड्भान्स क्लवले जनाएको छ ।

फुटबल प्रतियोगितामा करिब रु ११ लाख ५० हजार रुपैयाँ खर्च हुने आयोजकले अनुमान गरेको छ । एडभान्स क्लबले फुटबल खेलको विकास, आधुनिकीकरण र खेलाडीको व्यावासीकरण गर्ने उद्देश्यले २०६४ सालदेखि निरन्तर फुटबल प्रतियोगिता गर्दै आएको छ । खाँदबारी–३ मानेभञ्याङ स्थित महेन्द्र माविको खेलमैदानमा हुने प्रतियोगिता कार्तिक १ सम्म सञ्चालन हुनेछ ।

सम्बन्धित समाचार

क्यानले सर्वजनिक गर्‍यो सन्दीपले वेस्ट इन्डिजसँगको सिरिज नखेल्नुको कारण विश्वकप छनोट खेल्ने नेपाली क्रिकेट टिमको घोषणा मलेसियाविरुद्धको चौथो खेलमा नेपाल विजयी मलेसियाविरुद्ध नेपाली महिला क्रिकेट टोलीको शृङ्खला जित्यो नेपालसँग कुवेत पराजित ‘विश्वकप–२०२६’ को म्याच बल सार्वजनिक वुहानमा आर्यना साबालेन्काको लगातार २०औं जित राष्ट्रिय रेटिङ्ग चेस प्रतियोगिता फाकफोकथुममा