लमजुङ । लमजुङमा अरिंगालले टोकेको कारण ८२ वर्षीय बृद्धको मृत्यु भएको छ । अरिंगालले टोकेको अवस्थ भएका उनको अस्पतालमा उपचारका क्रममा मृत्यु भएको हो ।

बेसीसहर नगरपालिका– ११, चितिका ८२ वर्षीय यज्ञनिधि तिवारीको उपचारका क्रममा आज सोमबार विहान निधन भएको प्रहरीले जनाएको छ । तिवारीलाई हिजो आइतबार साँझ बाटोमा हिड्दै गर्दा अरिंगाललले टोकेको थियो । अरिंगालको टोकाई घाइते भएका तिवारीको प्रदेश अस्पताल लमजुङमा प्रार्थमिक उपचारपछि पुरानो मेडिकल कलेज चितवनमा हिजै रिफर गरिएको थियो ।

त्यहाँ उपचारको क्रममा आज विहानी उनको निधन भएको खबर आएको जिल्ला प्रहरी कार्यालय लमजुङका सूचना अधिकारी राजकिशोर साहले बताए । उनका अनुसार बाटोमा हिँड्ने क्रममा कसैले जिस्काएको अरिंगाललले टोकेर ती बृद्धलाई घाइते बनाएको थियो । उनले भने, ‘तत्काल उपचारका लागि बेसीसहरस्थित प्रदेश अस्पताल लमजुङमा ल्याइए पनि थप उपचारका लागि आइतबार साँझ चितवन पठाइएको थियो ।

उनको बिहान ४ बजे मृत्यु भएको जिल्ला प्रहरी कार्यालय लमजुङका सूचना अधिकारी साहले भने । उनका अनुसार तिवारीको मृत्यु भएपछि शव परीक्षण चितवनमा नै हुने र त्यहीँबाट परिवारले शव बुझ्ने प्रवन्ध गरिएको छ ।

सम्बन्धित समाचार

पर्यटकलाई पदयात्रामा नजान प्रशासनको आग्रह नेपालमा प्रोटिनको कमीवारे पोषण विज्ञहरूको चेतावनी मर्स्याङ्दीका आधा पसल दर्ता र नवीकरण बिना सञ्चालनमा गण्डकी र लुम्बिनीको सिमानामा महामेला धर्मोत्सव दश दिन अघिदेखि वेपत्ता ६८ वर्षीय बृद्ध मृत फेला ८१ प्रतिशतभन्दा बढी लमजुङ कांग्रेस प्रतिनिधि महाधिवेशनको पक्षमा विद्यालयलाई प्रथामिक स्वास्थ्य उपचार बाकस