काठमाडौँ । मधेस प्रदेश सरकारले छठपर्वको चौथो दिन अर्थात् कात्तिक ११ गते थप एक दिन सार्वजनिक बिदा दिएको छ ।

प्रदेशअन्तर्गत गृह, सञ्चार तथा कानुन मन्त्रालयले आज सार्वजनिक बिदासम्बन्धी सूचना जारी गर्दै छठपर्वको भोलिपल्ट (कात्तिक ११ गते मङ्गलबार) बिहान उदाउँदो सूर्यलाई अर्घ्य दिएर छठ समापन गर्नुपर्ने भएकाले प्रदेशभरि सार्वजनिक बिदा दिने निर्णय गरिएको जनाइएको हो ।

मन्त्रालयका उपसचिव गणेश नायकले जारी गरेको सूचनामा मधेस प्रदेश सरकारद्वारा विसं २०८१ चैत २२ गते प्रदेश राजपत्रमा प्रकाशित थप बिदासम्बन्धी सूचनामा छठका अवसरमा थप एक दिन बिदा दिने भनी उल्लेख भएको जानकारी दिए । उनले सोहीअनुसार कात्तिक ११ गते थप एक दिन सार्वजनिक बिदा दिने निर्णय भएको बताए ।

सङ्घ सरकारले छठपर्वका लागि सन्ध्याको अस्ताउँदो सूर्यलाई अर्घ्य दिने दिन कात्तिक १० गते सोमबार मुलुकभरि सार्वजनिक बिदा दिइसकेको छ ।

सम्बन्धित समाचार

सिर्सिया नदी प्रदूषण न्यूनिकरणका लागि पुनः सरोकारवाला जुर्मूराउँदै इराकको जेलमा ८ नेपाली, अवैध नेपालीलाई आममाफी दिन माग सप्तरीका दुई पालिकामा महिला र बालबालिका हिंसाविरुद्ध निर्देशिका पारित खाल्टोमा डुबेर ३ बालिकाको मृत्यु प्रतिनिधिसभा ब्युँताउन अदालत जाने सभामुखको तयारी एक्वा पानी उद्योगलाई २ लाख जरिवाना मधेशको मुख्यमन्त्रीमा जितेन्द्र सोनल नियुक्त प्रहरी उपरीक्षक तामाङको कार्यशैलीप्रति प्रधानमन्त्रीलाई ध्यानाकर्षण