गुल्मी । कृषि र पशुपालनमार्फत आयआर्जन गर्ने गुल्मीका उत्कृष्ट उद्यमी सम्मानित भएका छन् । एघारौँ उद्योग दिवसको अवसरमा घरेलु तथा साना उद्योग कार्यालयले मंगलबार उद्यमीहरुलाई सम्मानित गरेको हो । सम्मानित हुनेहरुमा प्रत्येक पालिकाबाट दुई–दुई कृषक रहेका जना रहेका छन् । सम्बन्धित पालिकाको सिफारिस, कार्यालयको अनुगमन एवं कार्यविधिअनुसार सम्मानित गरिएको कार्यालयले जनाएको छ । उनीहरुलाई खादा र सम्मान पत्रले सम्मान गरिएको थियो ।

कार्यालयले आठजना जिल्लाका उत्कृष्ट उद्यमी छनोट गरी नगदसहित सम्मान गरेको छ । कार्यालयले खुलाएको सूचनाअनुसार पुरस्कारका लागि १६ जनाको आवेदन परेको थियो । त्यसमध्येबाट अनुगमन गरी उत्कृष्ट आठजना छनोट गरी पुरस्कृत गरेको उद्यम विकास सहजकर्ता त्रिविक्रम ज्ञवालीले जानकारी दिए । जसमा रेसुङ्गा नगरपालिका–८ स्थित भलामी कृषि फर्म र मुसिकोट नगरपालिका–१ स्थित रचेबाजियाल ड्रायगन, प्ययासन फलफूल विकास परियोजना फर्म प्रथम, रेसुङ्गा नगरपालिका–६ स्थित समिर कृषि तथा पशुपंक्षी फर्म र रेसुङ्गा नगरपालिका–८ स्थित न्यू पोखरेल बेकरी तथा चाउमिन उद्योग द्धितिय भएका छन् ।

त्यसैगरी मुसिकोट नगरपालिका–४ को सालिमे किबी तथा पशुपक्षीं फर्म, रेसुङ्गा नगरपालिका–४ को शैलेस सिलाई कटाई प्रशिक्षण केन्द्र, मालिका गाउँपालिका–६ को पार्वता अर्गानिक कफी नर्सरी र रेसुङ्गा नगरपालिका–१२ को गोपाल तरकारी घुम्ती फर्म तृतिय भएका छन् । प्रथम, द्धितिय र तृतिय हुने कृषि फर्महरुलाई क्रमशः २० हजार, १० हजार र पाँच हजारका साथै खादा र सम्मान पत्रले सम्मान गरिएको कार्यालय प्रमुख राजिव अर्यालले जानकारी दिए । जिल्लामा कृषि र पशुको माध्यमबाट आय आर्जन गर्ने एवं समाजका लागि प्रेरणाका रुपमा रहेका कृषकहरुको हौसला बढाउने उदेश्यले सम्मान गरिएको कार्यालय प्रमुख अर्यालले बताए ।

कार्यक्रममा बोल्दै जिल्ला समन्वय समिति प्रमुख दोर्ण बहादुर खत्रीले किसानहरुको वास्तविक उथ्थान र विकासका लागि केही कानुनी झन्झटता हटाउनुपर्ने बताए । कार्यक्रममा बोल्दै किसानहरुले बिनाधिलो ऋणको व्यवस्था गर्न आग्रह गरेका थिए । कार्यक्रमकै अवसरमा पत्रकार महासंघ गुल्मीका अध्यक्ष अनिल खत्री, पूर्व अध्यक्ष टोपलाल अर्याल, जनार्दन घिमिरे र राजधानी राष्ट्रिय दैनिकका संवाददाता हुमाकान्त पोखरेललाई पनि सम्मान गरिएको छ । आमसंचारको माध्यमबाट नागरिकलाई उद्यम विकाससम्बन्धि समाचारहरु सम्प्रेषण गरेको भन्दै जिल्लामा क्रियाशिल चार पत्रकार पनि सम्मानित भएका हुन् ।

सम्बन्धित समाचार

पाल्पाका ५ जना उद्यमीहरू पुरस्कृत आन्तरिक पर्यटकको रोजाइमा पर्दै चन्द्रमुखी ताल दोस्रो वर्ष पनि नेपालले पायो ‘बीबी माइनस’ क्रेडिट रेटिङ ठूला खेलमैदान आयोजनाको काम सुस्त व्यवसायी उत्पादनमा जोड दिन वीरगन्जमा आवासीय तालिम लिटमस केवल्स बन्यो सुदूरपश्चिम रोयल्सको ‘कनेक्टिभिटी’ पार्टनर खोटाङको बुँवाखोलामा मोटरेबल पक्की पुल सञ्चालनमा बूढीगण्डकी र अपर अरुणको लगानी मोडालिटी तयार