भोजपुरमा उद्योग दर्ता वर्षेनी घट्दो, खारेजी बढ्दो

भोजपुर । भोजपुरमा घरेलु उद्योग दर्ताको संख्या घट्दै गएको छ । घरेलु उद्योग कार्यालयका अनुसार वर्षेनी क्रमिक रुपमा घरेलु तथा साना उद्योग दर्ता घटेको हो । आर्थिक वर्ष २०७७–७८ मा पाँच सय ९१ वटा उद्योग दर्ता भएकोमा, गत आर्थिक वर्षको असार मसान्तसम्म एक सय १० वटा मात्र दर्ता भएको कार्यालयले जनाएको छ।

उद्योग दर्ता वर्षेनी घट्दो र खारेजीको संख्या बढ्दो क्रममा रहेको कार्यालयको भनाइ छ। कार्यालयको तथ्याङ्कअनुसार, आर्थिक वर्ष २०७७–७८ मा ५९१, आर्थिक वर्ष २०७८–७९ मा ४०४, आर्थिक वर्ष २०७९–८० मा २६४, आर्थिक वर्ष २०८०–८१ मा १३३ र आर्थिक वर्ष २०८१–८२ मा ११० वटा उद्योग दर्ता भएका छन्।

पछिल्ला वर्षहरूमा उद्योग खारेजीको संख्या पनि बढेको छ । गत आवमा मात्र ८९ वटा उद्योग र २३ वटा बाणिज्य फर्म गरी ११२ वटा खारेजी भएको घरेलु तथा साना उद्योग कार्यालयका निमित्त प्रमुख रमेश ढकालले जानकारी दिए ।

‘भोजपुरमा घरेलु उद्योग र बाणिज्य फर्मको दर्ता वर्षेनी घट्दो क्रममा छ,’ निमित्त प्रमुख ढकालले भने ‘गत आवमा ११० वटा मात्र उद्योग दर्ता भएका छन् भने ११२ वटा उद्योग तथा फर्म खारेजी भएका छन्।’

भोजपुरमा उद्योगतर्फ तीन हजार ६६३ र बाणिज्यतर्फ एक हजार ८३ गरी जम्मा चार हजार ७४६ वटा उद्योग तथा फर्म दर्ता रहेको उनको भनाइ छ। तीमध्ये करिब ५० प्रतिशत हारहारीमा निश्कृय अवस्थामा रहेको कार्यालयले जनाएको छ।

कार्यालयले उद्योगको प्रवद्र्धन तथा विकासका लागि विभिन्न कार्यक्रम सञ्चालन गरिरहेको भए पनि दर्ताको संख्या भने वर्षेनी घट्दो क्रममा रहेको जानकारी दिइएको छ । गत आवमा कार्यालयले उद्यमीको प्रोत्साहनका लागि मागका आधारमा ९१ वटा उपयुक्त प्रविधि हस्तान्तरण गरेको जनाएको छ।

कार्यालयले लघु, घरेलु तथा साना उद्योगको माध्यमबाट स्थानीय कच्चा पदार्थ, स्रोत र श्रमको उपयोग जोड दिएको जनाएको छ । स्थानीयस्तरमा उद्योग स्थापना गर्न, स्व–रोजगार बन्न तथा रोजगारीका अवसर सिर्जना गर्न प्रयासरत रहेको कार्यालयको भनाइ छ ।

तपाइको प्रतिक्रिया
(Visited 31 times, 1 visits today)

सम्बन्धित समाचार

कोशीमा भयावह भन्दै लागू औषध कारोबार भोजपुर खोक्सिकका ९५ प्रतिशत नागरिक केन्द्रीय विद्युतको पहुँचमा लागू औषधसहित फार्मेसी संचालक दम्पती पक्राउ इटहरीमा ९ दिनदेखि हराएकी मञ्जुको शव सर्दुको खोल्सामा मकालु आधार शिविर घुम्न गएका पुरुषको लेक लागेर मृत्यु पाख्रिबासमा हाईस दुर्घटना : एक जनाको मृत्यु, १४ जना घाइते बलात्कार आरोपमा पक्राउ परेकाको म्याद थप गरी अनुसन्धान हुँदै डोका बिक्रीबाट मनग्य आम्दानी

epaper

प्रमुख

ताजा समाचार

भोजपुरमा उद्योग दर्ता वर्षेनी घट्दो, खारेजी बढ्दो
काठमाडौं । सरकारले रक्षा मन्त्रालयका सचिव सुमनराज अर्याललाई मुख्यसचिव पदमा बढुवा गर्ने निर्णय गरेको छ । सोमवार बसेको मन्त्रिपरिषद् बैठकले यस्तो निर्णय गरेको सरकारका प्रवक्ता एवं सञ्चार तथा सूचना प्रविधिमन्त्री ...
काठमाडौँ । प्रधानमन्त्री सुशीला कार्कीले ज्ञापन पत्र बुझ्ने समय नदिएको भन्दै मिरज ढुंगाना नेतृत्वको समूहले मंगलबार पनि सिंहदरवारको मुख्य गेटअगाडि प्रदर्शन गरेको छ। आइतबार बसेको बैठकले सोमबारदेखि निरन्तर आन्दोलन गर्ने ...
काठमाडौं । जेनजी आन्दोलनको बलमा बनेको सुशीला कार्की नेतृत्वको अन्तरिम सरकारलाई जेनजी आन्दोलनको भावनाअनुसार काम गर्न नसकेको भन्दै माग पूरा गर्न २१ जेनजी समूहले ७ दिने अल्टिमेटम दिएका छन् । ...
काठमाडौँ । सरकारले सुमनराज अर्याललाई मुख्यसचिवमा नियुक्त गर्ने निर्णय गरेको छ। आज सिंहदरवारस्थित प्रधानमन्त्री तथा मन्त्रिपरिषद्को कार्यालयमा बसेको मन्त्रिपरिषद् बैठकले रक्षा मन्त्रालयका सचिव अर्याललाई मुख्यसचिव नियुक्त गर्ने निर्णय गरेको हो। ...
काठमाडौँ। जेन जेड अगुवा मिराज ढुंगानाको समूहले प्रधानमन्त्री कार्यालयमा ज्ञापन पत्र बुझाउने भएको छ । ज्ञापन पत्र बुझाउन सो समूह दिउँसो तीन बजे प्रधानमन्त्री कार्यालय सिंहदरवार जाँदै छ । पछिल्लो ...