धनगढी । गृहमन्त्री ओमप्रकाश अर्यालले तोकिएकै समयमा निष्पक्ष रुपमा निर्वाचन हुने बताएका छन् । मंगलवार धनगढीमा आयोजित सुदूरपश्चिम प्रदेशस्तरीय सुरक्षा गोष्ठीलाई सम्बोधन गर्दै गृहमन्त्री अर्यालले फागुन २१ गते नै निर्वाचन हुने बताएका हुन् ।

गृहमन्त्री भने– ‘७२७ हातहतियार फिर्ता, ४ हजार ५५२ कैदीबन्दी अझै फरार’

गृहमन्त्री अर्यालले सरकारको मुख्य जिम्मेवारी नागरिकलाई सुरक्षा प्रदान गर्दै र सुशासन कायम गर्नु र समयमै निर्वाचन गर्नु रहेको बताएका छन् । ‘यो सरकारको मुख्य जिम्मेवारी शान्ति सुरक्षा कायम गर्दै सुशासन कायम गर्नु र निर्वाचन गर्ने हो । सरकारले पाएको म्यान्डेड पनि चुनाव गर्नु नै हो,’ उनले भने, ‘निष्पक्ष र भयरहित वातावरणमा शान्तिपूर्ण रुपमा चुनाव तोकिएकै समयमा हुन्छ ।’

गृहमन्त्री अर्यालले निर्वाचनको वातावरण निर्माण गर्न सरकारका सबै संयन्त्र परिचालन गरिएको बताए । उनले राजनीतिक दललाई निर्वाध रुपमा चुनावी गतिविधि गर्ने वातावरण बनाउन सरकार सक्रिय रहेको बताएका छन् । ‘यो सरकार सबैको साझा सरकार हो, हामी कसैलाई पनि विभेद गर्दैनौँ। कुनै पनि दलको चुनावी गतिविधिमा अवरोध हुँदैन,’ उनले भने, ‘निर्वाचनको वातावरण निर्माण गर्न प्रदेश सरकारको पनि उत्तिकै भूमिका रहेको छ ।’

गृहमन्त्री अर्यालले राज्यका सबै संयन्त्र निर्वाचनको वातावरण निर्माण गर्न क्रियासिल रहेको बताएका छन् । सुरक्षा अवस्थालाई विश्लेषण गरी आवश्यक कदम चाल्न सरकार तयार रहेको उनले बताएका छन् ।

त्यस्तै गोष्ठीमा बोल्दै गृहमन्त्री अर्यालले हाल देशभर ४ हजार ५५२ कैदीबन्दी फरार रहेको जानकारी दिए । उनले भने, कुल ७२७ हातहतियार सरकारले फिर्ता ल्याइसकेको छ । सरकारको मुख्य कार्यभार घोषित मितिमै भयरहित, स्वच्छ, स्वन्तन्त्र वातावरणमा निर्वाचन सम्पन्न गर्ने रहेको भन्दै केही थान हतियार र फरार कैदीबन्दी बाहिरै रहेको अवस्थामा निर्वाचन हुन्न कि भन्ने शंका र भ्रम नछर्नु होला । कुशासन र बेथितिविरुद्ध जेन–जी युवाहरूले उठाएका माग र भदौ २३ र २४ को घटनापश्चात् सरकार र गृह प्रशासनले शान्ति सुरक्षा, अपराध नियन्त्रण, सुशासन, सेवा प्रवाहको प्रभाकारिता र समन्वयात्मक कार्यमा निष्ठापूर्वक कार्य गरिरहेको उनको भनाइ थियो ।

गोष्ठीमा सुदूरपश्चिमका मुख्यमन्त्री कमलबहादुर शाहले मुलुकलाई ठिक बाटोमा हिँडाउन निर्वाचन तोकिएकै समयमा हुनुपर्ने बताएका छन् । उनले भने, ’फागुन २१ गतेको निर्वाचन हुनैपर्छ। सबै मिलेर निर्वाचनको वातावरण बनाउनुपर्छ ।’ मुख्यमन्त्री शाहले निर्वाचनको वातावरण बनाउन प्रदेश सरकार पूर्णरूपले प्रतिबद्ध रहेको गर्ने बताएका छन् ।

गोष्ठीमा बोल्दै सुदूरपश्चिमका आन्तरिक मामिला तथा कानुनमन्त्री हिरा सार्कीले निर्वाचनका लागि भयरहित वातावरण बन्न नसकेको बताएका छन् । उनले पार्टीका गतिविधिमा अवरोध भइरहेको बताएका छन् । ‘निर्वाचनका लागि भयरहित वातावरण बन्न सकेको छैन । पार्टीका गतिविधिमा अवरोध भइरहेको छ,’ उनले भने, ‘गृह मन्त्रालयले राजनीतिक दलहरूसँग संवाद गर्नु जरुरी छ ।’

प्रदेशस्तरीय सुरक्षा गोष्ठीमा गृह सचिव रामेश्वर दंगाल, प्रहरी महानिरीक्षक दानबहादुर कार्की, सशस्त्र प्रहरी महानिरीक्षक राजु अर्याल, नेपाली सेनाका बलाधिकृत रथी प्रदीपजंग केसी र राष्ट्रिय अनुसन्धान विभागका मुख्य अनुसन्धान निर्देशक टेकेन्द्र कार्कीसमेत सहभागी थिए ।

गोष्ठीमा प्रदेशको समग्र सुरक्षाको अवस्था ’bout छलफल हुनेछ भने फागुन २१ गते हुने आम निर्वाचनको सुरक्षा अवस्था’bout छलफल भएको छ ।

सम्बन्धित समाचार

इटहरीमा ९ दिनदेखि हराएकी मञ्जुको शव सर्दुको खोल्सामा १४ कर्मचारी हेर्न सशस्त्रमा डीआईजीको दरबन्दी बलात्कार आरोपमा पक्राउ परेकाको म्याद थप गरी अनुसन्धान हुँदै सशस्त्रको नयाँ ओएन्डएम : जवानदेखि एसएसपीसम्मका ३ हजारभन्दा बढीको तत्कालै वृत्तिविकास हुने कैलालीको वन क्षेत्रमा करिब तीन लाख क्युफिट काठ कुहिँदै सुदूरपश्चिम सरकारका निर्णय जेठदेखि गुपचुप सुदूरपश्चिममा ४६ हजारभन्दा बढी नयाँ मतदाता थपिए महेश बस्नेतविरुद्ध धनगढीमा विरोध प्रदर्शन