काठमाडौं । नेपाली बजारमा आज सोमबार सुनचाँदी दुवैको भाउ घटेको छ । हिजो आइतबार प्रतितोला पाँच हजार रूपैयाँ बढेको सुनको भाउ आज दुई हजार पाँच सय रुपैयाँ घटेको हो ।

नेपाल सुनचाँदी व्यवसायी महासंघका अनुसार हिजो प्रतितोला दुई लाख ८६ हजार रुपैयाँमा कारोबार भएको सुन आज प्रतितोला दुई लाख ८३ हजार पाँच सय रुपैयाँमा कारोबार भइरहेको छ ।

यस्तै, आज सोमबार चाँदी प्रतितोला चार हजार सात सय रुपैयाँमा कारोबार भइरहेको छ । यो मूल्य अघिल्लो दिनको तुलनामा प्रतितोला २० रूपैयाँ घटेको हो।