काठमाडौं । संयुक्त राष्ट्रिय सुकुम्वासी मोर्चाका महासचिवसहित चारजना पक्राउ परेका छन्। मोर्चाका महासचिव आरएन कुँवरसहित चार जना पक्राउ परेको प्रहरीले जनाएको छ। जसमा संयुक्त सुकुम्बासी जातीय मोर्चाको सल्लाहकार दानबहादुर कामी, दिनेश सुनार पनि छन्।

संयुक्त राष्ट्रिय सुकुम्वासी मोर्चाका कार्यवाहक अध्यक्ष नारायण परिश्रमी हिजै पक्राउ परिसकेका छन्। सुकुम्बासी वस्तीको विद्युत लाइन बिहानैबाट काटिएको छ। थापाथलीस्थित आज भत्काउन लागि सुकुम्वासी बस्तीको विद्युत बिहान ६ बजे नै काटिएको हो।

यो बस्तीमा कुलमान घिसिङ नेपाल विद्युत प्राधिकरणको कार्यकारी निर्देशक हुँदा विद्युत जोडिएको थियो। सरकारले बस्ती भत्काउने भनेपछि सुकुम्वासीहरुले धमाधम सामान सारिरहेका छन्।

त्यस्तै काठमाडौं नदी किनारका बस्तीमा रहेका सुकुम्वासी क्षेत्रमा रहेका नागरिकलाई आफ्ना सामग्री सुरक्षित स्थानतर्फ सार्नका लागि प्रहरीले समय थप गरिदिएको छ।

प्रहरीले माइकिङमार्फत् आधाघण्टा समय थप गरिएको भन्दै छिटो सामग्री सार्न अनुरोध गरेको छ। पाँचवटा डोजर थापाथलीक्षेत्रमा तयारी अवस्थामा राखिएको छ। बस्ती खाली गराउन प्रहरी र नगरप्रहरीले सहयोग गरेको नगर प्रहरीप्रमुख विष्णु जोशीले बताए।

सम्बन्धित समाचार

सोमबारदेखि ‘शून्य बाँकी फाइल अभियान’ सञ्चालन, उद्धेश्य सरकारी सेवामा सुधार एक वर्षमा सात हजार ६४८ विपद्का घटनाः सबैभन्दा बढी आगलागीका जन्मदर्ता र विवाह दर्ताको प्रमाणपत्र अब नागरिक एपबाटै हेर्न सकिने ! सम्पत्ति छानबिन गर्न २०४७ पछि चौथो संयन्त्र घुम्तीगोठमा बाख्रा पालेर स्वरोजगार र आत्मनिर्भर सुर्खेती आकाशमा पनि प्याराग्लाइडिङको मजा यी हुन् मन्त्रिपरिषद् बैठकका पाँच निर्णय काठमाडौंमा वायु प्रदूषण बढ्यो : एक्युआई