काठमाडौं । ‘गुरुङ फिल्म एसोसिएसन नेपाल (जिफान) को आयोजनामा सप्ताहव्यापी अभिनय कार्यशाला सम्पन्न भएको छ । पोखराको नदीपुर–३ स्थित हंशध्वनि थिएटरमा अभिनेता अनुप बरालले दुई दर्जन चलचित्रकर्मीलाई अभिनय प्रशिक्षण दिएका छन् ।

कार्यशालामा गुरुङ चलचित्र क्षेत्रका कलाकार, नयाँ पुस्ताका प्रशिक्षार्थी तथा चलचित्रकर्मीहरूको सहभागिता रहेको थियो। अभिनय कला, संवाद अभिव्यक्ति, पात्र निर्माण, रंगमञ्चीय अनुशासन, प्रस्तुति शैली र क्यामेराअगाडि कलाकारले अपनाउनुपर्ने सीपहरू’bout व्यावहारिक प्रशिक्षण दिइएको आयोजकले जनाएको छ ।

प्रशिक्षित कलाकारहरूलाई चलचित्र विकास बोर्डका अध्यक्ष दिनेश डिसी, जिफानका अध्यक्ष राजबहादुर गुरुङलगायतले प्रमाणपत्र प्रदान गर्दै यो कार्यशाला सम्पन्न गरेका छन् । अध्यक्ष डिसीले स्थानीय भाषा, संस्कृति र समुदायमा आधारित चलचित्रको विकासका लागि दक्ष जनशक्ति उत्पादन अपरिहार्य रहेको बताए । गुरुङ चलचित्रले नेपाली चलचित्र क्षेत्रमा मौलिकता, पहिचान र सांस्कृतिक विविधताको महत्वपूर्ण योगदान दिएको उल्लेख गर्दै उनले यस्ता प्रशिक्षण कार्यक्रमले कलाकारको क्षमता अभिवृद्धिमा टेवा पुग्ने विश्वास व्यक्त गरे ।

गुरुङ फिल्म एशोसिएसन नेपालका अध्यक्ष राज बहादुर गुरुङ ‘राजेश’ले कार्यशाला सफलतापूर्वक सम्पन्न हुनु गुरुङ चलचित्र क्षेत्रका लागि उत्साहजनक उपलब्धि भएको बताए । आगामी दिनमा पनि जिफानले चलचित्रकर्मीहरूको सीप विकास, प्रशिक्षण र संस्थागत सुदृढीकरणका कार्यक्रमलाई निरन्तरता दिने भनाई उनले कार्यक्रममा राखे ।

सम्बन्धित समाचार

पलेँटीमा गुन्जिए पवन र रमेश क्याफे व्यवसायमा नेपाली अभिनेत्री कर्णालीका चलचित्रकर्मीले सिके छायांकन र लेखन जहाँ गुञ्जिँदै छन् प्रगतिशील सुरहरू, नयाँ पुस्ताका लागि चीनमा नेपाली चलचित्रको प्रदर्शनमा सरकारी चासो ‘धुरन्धर २’को लाइभ विस्फोटमा ५०० लिटर पेट्रोल प्रयोग महिला आयोग पुगेर नोराले पनि मागिन माफी एकसाथ जुधे तीन नेपाली चलचित्र