काठमाडौं । पाकिस्तानको खैबर पख्तुनख्वा प्रान्तमा एक प्रहरी चौकीमा आतंककारी आक्रमण हुँदा १५ प्रहरीको मृत्यु भएको छ।

बन्नु मेडिकल एण्ड टिचिङ इन्स्टिच्युटका प्रवक्ता नोमान खानले मृतकको संख्या पुष्टि गरेको समाचार संस्था रोयटर्सले जनाएको छ। नोमानका अनुसार ज्यान गुमाउने सबै प्रहरी कर्मचारी हुन् । यसबाहेक, तीन जना घाइतेलाई पनि अस्पताल ल्याइएको छ, जसको अवस्था खतरामुक्त रहेको बताइएको छ।

यसअघि बन्नु रेन्ज प्रहरी अधिकारी सज्जाद खानको कार्यालयबाट जारी विज्ञप्तिमा फतेह खेल चौकीको भवनको भग्नावशेषबाट १२ जना प्रहरीको शव निकालिएको र तीन जनालाई जीवितै उद्धार गरिएको उल्लेख थियो ।

समाचार एजेन्सी रोयटर्सका अनुसार बन्नु सहरको बाहिरी इलाकामा रहेको प्रहरी चौकीमा विस्फोटक पदार्थ भरिएको गाडी ठोक्किएको थियो। एक सुरक्षा अधिकारीले विस्फोटपछि कट्टरपन्थीहरु चौकीभित्र पसेर प्रहरीमाथि गोली प्रहार गरेको दाबी गरेका छन् ।

सम्बन्धित समाचार

तामिलनाडुमा फिल्म स्टार विजयको बलियो अग्रता फिलिपिन्सको समर टापुमा शक्तिशाली भूकम्प महिला आयोग पुगेर नोराले पनि मागिन माफी गण्डक नहर किनारका अतिक्रमित संरचना हटाउन थालियो मानुङकोटलाई पर्यटकीय ग्राम बनाउने लक्ष्य सुधारिँदै काठमाडौँको वायु गुणस्तर क्याफे व्यवसायमा नेपाली अभिनेत्री चुलाचुलीका सडक धमाधम कालोपत्रे