काठमाडौं । विपक्षी दलहरूले प्रतिनिधिसभा बैठक सोमबार पनि अवरोध गर्ने भएका छन् । प्रमुख प्रतिपक्षी दल नेपाली कांग्रेसको संसदीय दलको कार्यालयमा बसेको विपक्षी दलहरूको बैठकले प्रतिनिधि सभा बैठकमा बेल घेर्ने निर्णय गरेको हो ।
प्रमुख प्रतिपक्षी दल नेपाली कांग्रेस, विपक्षी दलहरू नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीको बैठकले आइतबारको बैठकमा प्रधानमन्त्री बालेन्द्र शाहले नेपालले पनि भारतको सीमा मिचेको भन्दै दिएको अभिव्यक्ति’bout प्रष्टीकरण माग्दै बेल घेर्ने निर्णय गरेको बैठकमा सहभागी कांग्रेस सांसद उर्मिला थपलिया ‘सिता’ले जानकारी दिइन् ।
‘प्रधानमन्त्रीले हिजो प्रतिनिधिसभा बैठकमा सांसदहरूसँगको प्रश्नोत्तरका क्रममा देशको सीमामाथि धावा बोल्ने जवाफ दिनुभएको छ,’ उनले भनिन्, ‘त्यस’bout सदनमा प्रष्टीकरण दिनुपर्छ भन्ने माग गरेर बेल घेर्ने निर्णय भएको छ ।’
बैठकमा कांग्रेस संसदीय दलका नेता भीष्मराज आङदाम्बे, एमाले संसदीय दलका नेता रामबहादुर थापा बादल, नेपाली कम्युनिस्ट पार्टीका प्रमुख सचेतक युवराज दुलाल, राप्रपाकी प्रमुख सचेतक खुस्बु ओली, श्रम संस्कृति पार्टीका आरेन राई, ध्रुवराज राई, एमाले संसदीय दलका उपनेता पद्मा अर्याल, एमालेका प्रमुख सचेतक ऐन महर, कांग्रेसकी प्रमुख सचेतक बासना थापा, कांग्रेसका सचेतक निष्कल राईसहितका अन्य नेताहरू सहभागी थिए ।
विपक्षीहरूले यो अधिवेशन सुरु भएदेखि प्रतिनिधिसभा बैठकमा अवरोध पुर्याउँदै आएका छन् ।
सम्बन्धित समाचार
कांग्रेस प्रतिष्ठानले गर्यो १२ उपसमिति गठन
वनमन्त्री चौधरीसँग राजदूत पुजोलको भेटवार्ता
रास्वपा सभापति लामिछाने भारत भ्रमणमा जाँदै
हेटौँडा सिमेन्ट उद्योग बन्द हुनु दुःखद् हो, यसलाई सरकारले चलाउँछ : मन्त्री यादव
आयोग प्रतिवेदन: भदौ २३–२४ को घटनाको मुख्य कारक तत्कालीन प्रधानमन्त्री ओली
प्रधानमन्त्री जनताप्रति उत्तरदायी र जिम्मेवारी नभएको कांग्रेसको निष्कर्ष
राज्यसत्ताको चरित्र र आचरणमा बदलाब ल्याउनुपर्छः राष्ट्रपति पौडेल
अमृत झाको रिहाइ भएको भन्दै गलत सूचना दिएको परराष्ट्रले माग्यो माफी
