काठमाडौं । गैह्री धारा स्थित कान्तिपुर थिएटरले शुक्रवारबाट नाटक ‘महाभारत’ मञ्चन सुरु गरेको छ । करिब एक महिनाको अभ्यास पछि यो नाटक सो थिएटरमा मञ्चन सुरु भएको हो ।

यो नाटकलाई नवीन भट्टले निर्देशन गरिरहेका छन् । भारतीय लेखक कुलदीप कुणालको नाटक ‘महाभारत’लाई नवीनले नै नेपालीमा रूपान्तरण गरेका हुन् । नाटकको सेट डिजाइन नवीनकै रहेको छ ।

हास्यव्यंग्य अभिनेता मनोज गजुरेल पहिलो पटक यो नाटकमार्फत रंगमञ्चमा प्रस्तुत भएका छन् । आफूले यो नाटकको अभ्यासमा करिब तीन हप्ता समय दिएको उनले बताएका छन् । मनोजसँगै नाटकका अग्रज कलाकार तथा निर्देशक रमेश बुढाथोकी र अभिनेता सुवर्ण थापा पनि शीर्ष भूमिकामा रहेका छन् ।

नाटकमा सन्दीप श्रेष्ठ, प्रतीक चौधरी, सुपज्ञा शर्मासहित २० जना कलाकारहरूको अभिनय रहेको छ । नाटकको सेट निर्माण तुफान थापा, लाइट डिजाइन दीपेश गजुरेल, संगीत संयोजन तथा गायन अनुप तिमिल्सिना, कोरियोग्राफी अनिष क्षेत्री र निर्माण रमेश पुरीले गरेका छन् ।

यो नाटक त्यहाँ ७ असारसम्म रहने निर्देशक नवीनले बताएका छन् । उनका अनुसार यो नाटक हरेक दिन (बुधवार बाहेक) साँझ ५ः१५ बजे मञ्चन हुने गरेको छ । शनिवार, आइतबार तथा अन्य सार्वजनिक बिदाको दिन अतिरिक्त सोको रूपमा दिउँसो १ः१५ समेत यो नाटक देखाइने उनले जानकारी गराए । नाटकको टिकदर ५०० र १००० रुपैयाँ राखिएको पनि उनले बताए ।

सम्बन्धित समाचार

प्राविधिकको पारिश्रमिक नबुझाउने निर्मातालाई कालोसूचीमा राखिँदै चलचित्र पत्रकारिता सम्मान एवम् पुरस्कार घोषणा फस्ट लुक्समा ‘कमला मिस’ सेन्सर बोर्ड बन्यो ‘केन्द्रीय चलचित्र जाँच समिति’ ‘मेरो डान्स युनिभर्स २’की विजेता रिस्ता गुरुङ अब चलचित्रमा चलचित्रकै कारण भारतको राष्ट्रिय सुरक्षामा खतरा, सुरक्षा’bout अदालतमा मुद्दा सुवर्णको स्वर र संगीतमा माया बनेर… रिलिज सिल्भेस्टर स्टेलोनको ठाउँमा अब नयाँ ¥याम्बो