सुन्दरहरैंचा (मोरङ) । राष्ट्रिय स्वतन्त्र पार्टी (रास्वपा) की प्रतिनिधिसभा सदस्य आशा झा पुनः विवादमा तानिएकी छन्। नेपालको राष्ट्रियता र सीमा विवादसँग जोडिएका महत्वपूर्ण क्षेत्र लिपुलेक, कालापानी र लिम्पियाधुरा’bout सोधिएको प्रश्नको स्पष्ट जवाफ दिन नसकेपछि उनी सामाजिक सञ्जालमा आलोचनाको केन्द्र बनेकी हुन्।

मोरङ क्षेत्र नम्बर ५ बाट निर्वाचित सांसद झासँग एचटीपी खबर नामक युट्युब च्यानलका पत्रकार दिवाकर साहले अन्तर्वार्ताका क्रममा लिपुलेक, कालापानी र लिम्पियाधुरा कुन जिल्लामा पर्छन् भन्ने प्रश्न गरेका थिए। तर, उनले उक्त प्रश्नको उत्तर दिन नसकेको भिडियो सार्वजनिक भएको छ।

भिडियोमा पत्रकारले नेपालको नयाँ नक्सामा समेटिएका लिपुलेक, कालापानी र लिम्पियाधुरा कुन जिल्लामा पर्छन् भनेर सोध्दा सांसद झाले आफूलाई त्यस’bout जानकारी नभएको प्रतिक्रिया दिएकी देखिन्छिन्। पत्रकारले प्रश्न पुनः दोहोर्‍याए पनि उनले स्पष्ट जवाफ दिन नसकेको भिडियो यतिबेला सामाजिक सञ्जालमा व्यापक रूपमा भाइरल भइरहेको छ।

भिडियो सार्वजनिक भएपछि धेरै सामाजिक सञ्जाल प्रयोगकर्ताले राष्ट्रिय महत्वका विषयमा सांसदहरू जानकार हुनुपर्ने भन्दै टिप्पणी गरिरहेका छन्। विशेषगरी नेपालको संसद्मा प्रतिनिधित्व गर्ने जनप्रतिनिधिले राष्ट्रिय सीमा र भूगोलसम्बन्धी आधारभूत जानकारीसमेत राख्न नसकेको भन्दै आलोचना भइरहेको छ। केहीले भने एउटा प्रश्नको उत्तर दिन नसक्दैमा सांसदको समग्र क्षमता मूल्यांकन गर्न नहुने तर्क पनि गरेका छन्।

लिपुलेक, कालापानी र लिम्पियाधुरा नेपाल–भारत सीमा विवादसँग जोडिएका संवेदनशील क्षेत्र हुन्। नेपाल सरकारले २०७७ सालमा नयाँ राजनीतिक तथा प्रशासनिक नक्सा जारी गर्दै ती भूभागलाई नेपालको अभिन्न हिस्सा भएको उल्लेख गरेको थियो। ती क्षेत्र हाल नेपालको सुदूरपश्चिम प्रदेशअन्तर्गत पर्ने दार्चुला जिल्ला सँग सम्बन्धित मानिन्छन्।

यो पहिलो पटक भने होइन, सांसद झा विवादमा परेको। यसअघि जेठ १७ गते मोरङको रंगेलीस्थित इलाका प्रहरी कार्यालयमा आयोजित एक कार्यक्रममा उनले प्रहरीबाट ‘पिर्के सलामी’ लिएको भिडियो सार्वजनिक भएपछि पनि आलोचना भएको थियो। उक्त घटनापछि सामाजिक सञ्जालमा जनप्रतिनिधि र सुरक्षा निकायबीचको व्यवहार तथा प्रोटोकलका विषयमा बहससमेत भएको थियो।

पछिल्लो भिडियो सार्वजनिक भएसँगै सांसद झाको विषय फेरि चर्चामा आएको छ। सामाजिक सञ्जालमा उनको पक्ष र विपक्षमा विभिन्न धारणा सार्वजनिक भइरहेका छन् भने राष्ट्रिय महत्वका विषयमा जनप्रतिनिधिको ज्ञान र तयारी’bout पनि बहस चुलिएको छ।

सम्बन्धित समाचार

विद्यालयको नाममा रहेको जमिनमा बस्ती विस्तार बेलायती मन्त्री मल्होत्रा नेपालमा रवि, जिवी, छविसहित ४४ जनाको सहकारी ठगीबाहेकका सबै अभियोग फिर्ता रास्वपा सभापति लामिछाने भारत भ्रमणमा जाँदै रास्वपाले टुंग्यायो महाधिवेशन तयारी कार्यतालिका प्रधानमन्त्रीले भोलि इयूआबद्ध देशका राजदूत तथा मिसन प्रमुखसँग छलफल गर्ने जेनजी आन्दोलनमा मानवअधिकारको गम्भीर उल्लंघन कूटनीतिक माध्यमबाट सीमा समस्या समाधान गर्ने प्रधानमन्त्रीको प्रतिबद्धता