खोटाङ । खोटेहाङ गाउँपालिकाले उत्कृष्ट चार कृषक, चार विद्यार्थी, चार शिक्षक, तीन विद्यालय व्यवस्थापन समिति अध्यक्ष, चार विद्यालय, सात कर्मचारी र एक निर्माण उपभोक्ता समितिलाई नगदसहित पुरस्कृत गरेको छ ।
आइतबार पालिकाको सभाहलमा आयोजित सार्वजनिक सुनुवाइ कार्यक्रम समापनको अवसरमा उत्कृष्ट विद्यार्थी, उत्कृष्ट कार्यसम्पादन गर्ने कर्मचारी, कृषक तथा संस्थालाई पुरस्कृत गरेको हो । अन्नबाली उत्पादनमा वडा नम्बर–७ खोटाङबजारका तुलसीराम चौलागाईँ, फलफूल खेतीमा वडा नम्बर–४ बडकादियालेका सुरेश अछामी, नगदेबालीमा वडा नम्बर–८ सिम्पानीका सुवाश खड्का र पशुपालनमा वडा नम्बर–१ लिकुवापोखरीका दुर्गाबहादुर खड्का पुरस्कृत भएका छन् ।
प्रत्येक पुरस्कृत कृषकलाई १५ हजार नगद र प्रमाणपत्र प्रदान गरिएको गाउँपालिकाका प्रवक्ता किरण राईले जानकारी दिए । कक्षा–५ मा उत्कृष्ट सिद्ध आधारभूत विद्यालयका सिम्रण गुरुङ, कक्षा–८ मा उत्कृष्ट भगवती दिनानाथ माध्यमिक विद्यालयकी सम्झना राई, एसईईमा उत्कृष्ट अङ्क ल्याउने सोही विद्यालयका अनिश फुयाँल र कक्षा–१२ मा उत्कृष्ट बनेका नवराज श्रेष्ठ पुरस्कृत भएका छन् ।
पुरस्कृत विद्यार्थी प्रत्येकलाई सात हजार नगद र प्रमाणपत्र प्रदा नगरिएको छ । माध्यमिक तहमा सिम्पानी माध्यमिक विद्यालयका कृष्णप्रसाद घिमिरे, निम्नमाध्यमिक तहमा देविस्थान आधारभूत विद्यालयका किरण राई, प्राथमिक तहमा महाकन्या आधारभूत विद्यालयका पेशलकुमार राई र बालविकास केन्द्रतर्फ भगवती दिनानाथ माध्यमिक विद्यालयकी पूजन अधिकारी पुरस्कृत भएका छन् । विद्यालय व्यवस्थापन समिति अध्यक्षतर्फ माध्यमिक तहमा दिपेन थुलुङ, निम्नमाध्यमिक तहमा इन्द्रहाङ राई र प्राथमिक तहमा श्रीकुमार राई पुरस्कृत भएका छन् ।
शिक्षक र समिति अध्यक्ष दुवैलाई जनही सात हजार नगद र प्रमाणपत्र दिइएको छ । उत्कृष्ट पठनपाठनका लागि सप्तकन्या माध्यमिक विद्यालय चिप्रिङ, सरस्वती आधारभूत विद्यालय लिकुवापोखरी, चौतारेडाँडा आधारभूत विद्यालय र बालबाटिका आधारभूत विद्यालय सावाकटहरे पुरस्कृत भई प्रत्येकलाई दश हजार प्रदान गरिएको छ ।
कर्मचारीतर्फ इन्जिनियर सञ्जय चौधरी, वडा सचिव मनिषा गिरी र जनस्वास्थ्य निरीक्षक नवराज राई, कार्यालय सहयोगीतर्फ नारायण श्रेष्ठ, रामचन्द्र राई र हाकिमराज मगर तथा विद्यालय लेखा कर्मचारीतर्फ जगतबहादुर कार्की पुरस्कृत भएका छन् । निर्माण उपभोक्ता समितिमध्ये मेर्ला गोरेटो बाटो निर्माण उपभोक्ता समिति इन्द्रेणीपोखरीलाई दश हजार र प्रमाणपत्र प्रदान गरिएको छ ।
गाउँपालिका प्रमुख उदिमबहादुर राई ‘मुक्ति’, उपप्रमुख रुपेशकुमार राई र प्रमुख प्रशासकीय अधिकृत महेश राईले पुरस्कृत सबैलाई नगद र प्रमाणपत्र प्रदान गरेका छन् । आफ्नो कामलाई संस्थागत मूल्याङ्कन हुँदा थप जिम्मेवार बन्न हौसला मिलेको पुरस्कृत व्यक्तिहरूले बताएका छन् ।
सम्बन्धित समाचार
नेपाल मगर सङ्घको अध्यक्षमा रक्षबहादुर रैका मगर
शिक्षा सन्देश इङ्गलिस कलेजमा ‘डिप्लोमा इन होटल म्यानेजमेन्ट’ कोर्ष सञ्चालन हुने
सुन्दरहरैंचामा बाल सञ्जालद्वारा लागूऔषध दुर्व्यसनी चेतना
बालिका करणी अभियोग लागेका राई पक्राउ
विराटनगर महानगरपालिकाका सबै वडा पूर्णखोप सुनिश्चित
झापामा हुरी र वर्षाले केराखेती नष्ट
अनाधिकृत रूपमा विद्यालय अनुगमन गर्दै रास्वपा सुन्दरहरैंचा शिक्षा विभाग
विश्व वातावरण दिवसमा सुन्दरहरैँचामा वृहत बाँस वृक्षारोपण कार्यक्रम सम्पन्न
