इलाम । सुर्योदय नगरपालिका-१० फिक्कल माध्यमिक विद्यालयले उद्यमशीलता प्रदर्शनी कार्यक्रम आयोजना गरेको छ । विद्यालयमा कामको सञ्चार चिनाउने कार्यक्रम अन्तर्गत उक्त प्रदर्शनी आयोजना गरिएको हो ।

विद्यालयमा विद्यार्थीहरूलाई किताबी ज्ञानमात्र होइन अध्ययन गर्दा गर्दै कामको संसारको जानकारी गराउन सकेमा अध्ययनपश्चात आफ्नो रुची खुबी र क्षमता अनुसारको कामको छनोट र सो प्राप्ति गर्न सजिलो हुने विद्यालयका प्रधानाध्यापक राजेन श्रेष्ठले बताए ।

कार्यक्रमका फोकल पर्सन किरण नेपालका अनुसार विद्यार्थीहरूलाई अध्ययन सँगै कामको संसारमा चिनाउने (School to Work Transition) कार्यक्रम एउटा प्रक्रिया हो जसको माध्यमबाट विद्यार्थीहरूलाई उनीहरुको रुचि, खुबी र आवश्यकता अनुसार सम्भावित वृत्ति मार्गहरू र अवसरहरू पहिचान गर्न सजिलो हुने अपेक्षा राखिएको छ । साथै माध्यमिक शिक्षा पछिको शिक्षा, तालिम र रोजगारीको लागि सहजीकरण गर्नु कार्यक्रमको मुख्य उद्देश्य रहेको उनले बताए ।

काम प्रतिको सम्मानको भावना जागृत गराउने, उद्यमशीलता सम्बन्धी ज्ञान/ सीप र भविष्यमा रोजगारीको लागि चाहिने आवश्यक व्यवहारिक र प्राविधिक सीपको लागि सहजीकरण गर्न आयोजित यो कार्यक्रम ईन्स्योर परियोजना / हेल्भेटास नेपाल परियोजना सहयोग ईकाई, कोशी प्रदेश र सूर्योदय नगरपालिकाको सहयोगमा सञ्चालन भएको हो ।

६ वटा सत्रमा सञ्चालित हुने यो कार्यक्रम गत जेठ २ गते सुरु भई आज पाँचौँ दिन व्यवसायिक योजनाको कार्यान्वयन/प्रदर्शनी सम्पन्न भएको हो । कार्यक्रममा विद्यार्थीहरूले आआफ्ना समूहले तयार पारेका सामग्रीहरू बिक्री वितरण गरेका थिए । शिक्षक रजिन ढुङ्गेल र डिपी कट्टेलले विद्यार्थीहरूलाई व्यवसाय सञ्चालनका लागि चाहिने व्यावहारिक सिप’bout सहजीकरण गरेका थिए ।

कार्यक्रमको अनुगमन ईन्योर परियोजनाबाट आउनु भएका रिसु श्रीबास्तबले गरेका थिए । मूल्याङ्कनका लागि उद्योग वाणिज्य संघका प्रतिनिधिलाई समेत आमन्त्रित गरिएको थियो । १०० भन्दा बढी विद्यार्थी संलग्न रहेको यो कार्यक्रम निकै उपयोगी रहेको त्यहाँ बाट शिक्षक किरण नेपाले जानकारी दिए ।

सम्बन्धित समाचार

सुन्दरहरैंचामा निजी विद्यालयको मनोमानी कुम्मायकमा दुई दिने निःशुल्क स्वास्थ्य शिविर सम्पन्न पुँजीगत खर्चको एक प्रतिशत नवप्रवर्तनमा विनियोजन गर्न मन्त्री पुनको आग्रह इटहरीमा कोसी प्रदेशकै ठूलो सम्मेलन केन्द्र निर्माण हुने ताप्लेजुङमा अलैँची महोत्सव हुने सहकारीका शेयर सदस्यलाई स्वास्थ्यमा छुट अठासी जना गर्भवतीलाई पोषणयुक्त खाद्यान्न वितरण