अर्घाखाँची । डिभिजन वन कार्यालयले जिल्लामा टिमुरखेती प्रवर्द्धन गर्न ६० हजार बिरुवा वितरणसँगै रोपण सुरु गरेको छ।

व्यावसायिक कृषि विस्तार, आयआर्जन वृद्धि तथा स्थानीय नागरिकलाई स्वरोजगार बनाउने लक्ष्यका साथ यो अभियान थालिएको हो।

कार्यालयको अगुवाइमा सामुदायिक वन, निजी जग्गा तथा अन्य उपयुक्त क्षेत्रमा रोपण सुरु भएको हो। किसानलाई कार्यालयले प्राविधिक परामर्श पनि दिने गरेको छ।

वन कार्यालयका सूचना अधिकारी केशव खड्काका अनुसार टिमुरखेतीलाई अभियानकै रूपमा अघि बढाइएको छ। ‘कृषक तथा स्थानीयलाई यसतर्फ आकर्षित गरी उनीहरूको आय बढाउनु अभियानको उद्देश्य हो।’, उनले भने, ‘५०० भन्दा बढी बिरुवा रोपण गर्ने कृषक तथा समूहलाई उनीहरूका घरमा नै बिरुवा पुर्‍याउने व्यवस्था मिलाइएको छ।’

सन्धिखर्क नगरपालिकाको दुर्गाफाँट, भूमिकास्थान नगरपालिकाको पोखेडाँडा, शितगंगा नगरपालिकाको डोहोटे तथा मालारानी गाउँपालिकाका खन र मथुरालगायत क्षेत्रमा नर्सरीमा बिरुवा उत्पादन हुँदै आएको छ।

सम्बन्धित समाचार

पाल्पाका किसान उन्नत जातका धान उत्पादनमा आकर्षित खेतीको मुख्य याममा ट्रान्सफर्मर चोरीले किसान चिन्तित कर्तव्यनिष्ट असी बुहारी सम्मानित मुस्ताङमा पर्यटक बढेसँगै फोहरमैला व्यवस्थापनमा चुनौती हेटौँडामा बक्यौता नतिर्ने उद्योगको विद्युत् आज पनि काटिने पर्यटकीयस्थल घोडेपानी-पुनहिलमा साइकल मार्ग कृषि अनुदानको छानबिन गर्न पाँच सदस्यीय कार्यदल गठन मानव–वन्यजन्तु द्वन्द्व रोक्न वृक्षरोपण अभियान