काठमाडौं । स्थानीय बजारमा सुनको मूल्यमा पुनः तीव्र वृद्धि भएको छ। अघिल्लो कारोबार दिन घटेको सुनको भाउ बिहीबार एकै दिन प्रतितोला ६ हजार २ सय रुपैयाँले बढेको हो।

नेपाल सुनचाँदी व्यवसायी महासंघका अनुसार यस वृद्धिसँगै छापावाल सुनको मूल्य प्रतितोला २ लाख ८३ हजार ५ सय रुपैयाँ कायम भएको छ। अघिल्लो कारोबार दिन भने सुनको मूल्य ६ सय रुपैयाँले घटेर प्रतितोला २ लाख ७७ हजार ९ सय रुपैयाँमा सीमित भएको थियो।

महासंघका अनुसार आज १० ग्राम सुनको मूल्य २ लाख ४३ हजार ५५ रुपैयाँ निर्धारण गरिएको छ। अन्तर्राष्ट्रिय बजारमा आएको उतारचढावको प्रभाव स्थानीय बजारमा पनि परेको व्यवसायीहरूले बताएका छन्।

सुनसँगै चाँदीको मूल्यमा पनि उल्लेख्य वृद्धि भएको छ। अघिल्लो दिन प्रतितोला ४ हजार २७० रुपैयाँमा कारोबार भएको चाँदीको मूल्य आज १८० रुपैयाँले बढेर प्रतितोला ४ हजार ४५० रुपैयाँ पुगेको महासंघले जनाएको छ।

सम्बन्धित समाचार

एकैदिन सुनको मूल्य तोलामा दश हजार ५०० रुपैयाँ घट्यो पोखरा महानगरपालिकाको बजेट ७ अर्ब १५ करोड २५ लाख चामलदेखि स्मार्टफोनसम्म विदेशकै निर्भरता रास्वपा महाधिवेशनमा ‘चिउरी’ को आकर्षण (फोटोफिचर) आज सुन तोलामा तीन हजार ६०० रुपैयाँले घट्यो वेरोजगारी कम गर्न वीरगन्जमा ‘रोजगार मेला २०८३’ लाग्दै राष्ट्रिय धान दिवस: ६० वर्षमा कृषकका खेतमा ७० जातका धान ‘पेट्रोलियम पदार्थको बिक्री वितरण सहज भइसक्यो’