काठमाडौं । पहिरो खसेपछि कान्तिलोकपथ अवरुद्ध भएको छ। वर्षासँगै ललितपुरको बागमती गाउँपालिका-३ टाकुचेमा पहिरो जाँदा कान्तिलोकपथ सडक खण्ड मंगलबार बिहानबाट पूर्णरूपमा अवरुद्ध भएको प्रहरीले जनाएको छ।

कान्तिलोकपथ काठमाडौं -हेटौँडा आवतजावत गर्ने सबैभन्दा छोटो दुरीको सडक हो। यो सडक अवरुद्ध हुँदा काठमाडौं उपत्यकाबाट हेटौँडातर्फ र हेटौँडाबाट काठमाडौं तर्फ आउँदै गरेका सवारी साधन बिच बाटोमै रोकिएका छन्।

त्यसैगरी बाढीपहिरोले आज इलाममा मेची राजमार्ग, भोजपुरमा मध्यपहाडी राजमार्ग, खोटाङमा मध्यपहाडी राजमार्ग, काभ्रेमा बीपी राजमार्ग, सिन्धुपाल्चोकमा अरनिको राजमार्ग, बागलुङमा कालीगण्डकी करिडोर र दार्चुलामा महाकाली राजमार्ग पनि अवरुद्ध भएका छन्।

कतिपय राजमार्गमा पहिरो खस्दा एकतर्फी भएका छन्। प्रहरीले वर्षा जारी रहेकाले पहिरो र बाढीको जोखिम कायमै रहेको जनाएको छ।

यात्रा अघि सम्बन्धित निकायको पछिल्लो सडक अवस्था’bout जानकारी लिएर मात्रै यात्रा गर्न पनि प्रहरीले सर्वसाधारणलाई आग्रह गरेको छ।

सम्बन्धित समाचार

सडक सुरक्षाका लागि सबै राजमार्गमा ‘अन्डरपास’ र ‘ओभरपास’ बनाइने : मन्त्री लम्साल नदीजन्य पदार्थ बिक्री वितरण गर्न रोक धुर्वे हात्तीको गतिविधि प्रत्येक १० मिनेटमा लिइँदै पानीधारा र चुमखोलामा पहिरो, आवागमन ठप्प बाटो खुलाउने प्रयास जारी, पृथ्वी राजमार्गमा कहिले चल्छ सवारी ? नख्खुबाट लागुऔषधसहित एक जना पक्राउ बाढी–पहिरोले पाँच प्रमुख राजमार्ग अवरुद्ध