काठमाडौं । प्राविधिक शिक्षा तथा व्यावसायिक तालिम परिषद् (सीटीईभीटी)बाट सीप प्रशिक्षणको मात्र अनुमति लिएर अनधिकृतरूपमा सीप परीक्षण र प्रमाणीकरण गर्दै आएको इन्डस्ट्री ट्रेनिङ इन्स्टिच्युटमा श्रम मन्त्रालय, शिक्षा मन्त्रालय, सीटीईभीटी र विभागको संयुक्त टोलीले अनुगमनका क्रममा सिलबन्दी गरेको छ ।

युवा, श्रम तथा रोजगार मन्त्रालय, शिक्षा तथा खेलकुद मन्त्रालय, सीटीईभीटी र वैदेशिक रोजगार विभागको संयुक्त अनुगमन टोलीले सो संस्थाको निरीक्षण गरी सिलबन्दी गरेको हो । विशेष गरी वैदेशिक रोजगारमा जाने श्रमिकहरूलाई लक्षित गरी तोकिएको सर्तविपरीत सीप प्रमाणीकरण प्रमाणपत्र उपलब्ध गराउने गरेको प्राप्त गुनासोका आधारमा कारबाही अघि बढाइएको हो । अनुगमनका क्रममा सो संस्थाले प्रचलित कानुन र सर्तहरूको गम्भीर उल्लंघनसमेत गरेको देखिएको जनाइएको छ ।

सीप प्रशिक्षण दिन मात्रै अनुमति पाएको संस्थाले सरकारी निकाय सीटीईभीटीलाई मात्र भएको सीप परीक्षण र प्रमाणीकरणको अधिकार अनधिकृत्रूपमा प्रयोग गरेको भेटिएको छ । संस्थाले अनुमति लिँदा तोकिएका विधाहरू भन्दा फरक विषयमा पनि तालिम दिने गरेको पाइएको छ ।

अनुगमन टोलीले सो संस्थाको कार्यालयमा सिलबन्दी गरी आवश्यक कागजात र प्रमाणपत्र अध्ययनका लागि नियन्त्रणमा लिएको जनाइएको छ । अनुगमन टोलीले उपलब्ध गराएको कागजातको अध्ययन अनुसन्धानपश्चात् संस्थामाथि थप कानुनी कारबाही अगाडि बढाइने भएको छ ।

सम्बन्धित समाचार

बाह्र वर्षदेखि रोकिएको ढल्केबर–हेटौँडा ४०० केभी प्रसारण लाइन निर्माणको बाटो खुल्यो नेपालीको आत्मदाह र निधन भएको घटनाको छानबिन गर्न माग मिडियाको कार्यालयअघि गाडी तेर्स्याइएको विषयमा रास्वपाले के भन्यो ? मन लोभ्याउँदै जखेराको मनमोहक दृश्य अल्पमतका मुख्यमन्त्री शाहका निर्णायक २७ दिन यस्तो छ आजका लागि कृषिउपजको थोक मूल्य अतिक्रमित वनक्षेत्रको संरचना हटाइयो कीर्तिपुरमा गुडिरहेको कारमा आगलागी, गाडीभित्रै डढेर चालकको मृत्यु