सुदूरपश्चिम । कैलालीको धनगढीमा पाँच दिनदेखि अनसनरत डा गोविन्द केसीको स्वास्थ्य अवस्था जटिल बन्दै गए पनि औषधि लिन अस्वीकार गरेपछि थप समस्या भएको छ ।

धनगढीस्थित सेती प्रादेशिक अस्पतालको सघन उपचार कक्ष (आईसीयू) मा राखेर उपचार भइरहेकामा सुगरको मात्र बढाउने औषधि/स्लाइन लिनुपर्ने भए पनि डा केसीले अस्वीकार गरिरहेको अस्पतालले जनाएको छ ।

अस्पतालले आज सोमबार साँझ जारी गरेको प्रेस विज्ञप्तिअनुसार उनको रक्तचाप ९०/६० एमएमएचजी रहेको छ भने रगतमा चिनीको मात्रा न्यून अर्थात् ४२ मिलिग्राम प्रतिडेसिलिटरमा झरेको छ, जसलाई चिकित्सकीय भाषामा ‘हाइपोग्लाइसेमिया’ भनिन्छ । यस्तै, पिसाबमा किटोन बडी देखिएको र रगतमा एसिडोसिससमेत देखापरेको अस्पतालले जनाएको छ ।

डा केसीलाई चक्कर लाग्ने, मांसपेशी बाउडिने (मसल क्र्याम्प्स) तथा कमजोरीका कारण बोल्नसमेत असहज हुने समस्या देखिएको विज्ञप्तिमा उल्लेख छ ।

अस्पतालका चिकित्सकहरूको नेतृत्वमा गठित चार सदस्यीय उपचार टोलीले उहाँको स्वास्थ्य अवस्थाको २४ सै घण्टा निगरानी गरिरहेको जनाइएको छ । लामो समयदेखि मधुमेहको समस्या रहेको र बढ्दो उमेरका कारण पनि उहाँको स्वास्थ्य अवस्था थप जटिल बन्दै गएको अस्पतालले उल्लेख गरेको छ ।

सम्बन्धित समाचार

पहिरोबाट कालीगण्डकी कोरिडोर अवरुद्ध विदेश होइन, गाउँमै भविष्यः उन्नत भैँसीपालनबाट मासिक एक लाख आम्दानी भक्तपुर जिल्ला पूर्ण खोप सुनिश्चित प्रेस काउन्सिल नेपालको अध्यक्षमा उमेश श्रेष्ठ नागढुंगा चेकपोस्टमा सवारी होल्ड (फोटोफिचर) एउटा ‘अग्र्यानिक’ चरित्रमा रेखाको अनुभव नदीजन्य पदार्थ बिक्री वितरण गर्न रोक सुदूरपश्चिममा बजेट विवाद : उत्कर्षमा मुख्यमन्त्री शाहद्वारा एमालेका चार मन्त्री बर्खास्त