काठमाडौं । काठमाडौंमा भदौ पहिलो साता हुने भनिएको तिब्बती मामिलाको अन्तर्राष्ट्रिय सम्मेलन तयारी लगभग पूरा भइसकेपछि स्थगन गरिएको छ । चीन सरकारले आपत्ति जनाएपछि प्रधानमन्त्री तथा मन्त्रिपरिषदको कार्यालयले आयोजकलाई सम्मेलन रोक्न आग्रह गरेको हो ।

आइटीएसको १७ औं सम्मेलन यसपटक नेपालमा आयोजना गर्ने तयारी गरेको थियो । सम्मेलनमा ३९ देशका तिब्बत मामिला विज्ञ र प्राध्यापकहरू सहभागी हुने आयोजकले जनाएको थियो । सम्मेलनमा दलाई लामा प्रशासित धर्मशालाको प्रतिनिधिसमेत सहभागी हुने भएकाले सरकार सशंकित बनेको हो ।

यद्यपि गृहमन्त्री सुधन गुरुङले गत साता कान्तिपुरलाई दिएको अन्तर्वार्तामा सम्मेलन नेपालमा आयोजना हुने र सुरक्षाको समस्या नरहेको बताएका थिए । गृहमन्त्रीको अभिव्यक्तिपछि चीनको चासो झनै बढेको थियो । परराष्ट्र मन्त्रालयले पनि सम्मेलन रोक्न उचित हुने अनौपचारिक सन्देश प्रधानमन्त्रीलाई दिएको थियो ।

सरकारले आयोजक काठमाडौं विश्वविद्यालयको हिमालय सेन्टर फर एसियन स्टडिज र सेन्टर फर बुद्धिष्ट स्टडिजलाई सम्मेलन रोक्न आग्रह गरेको हो । सम्मेलनमा धर्मशालाका प्रतिनिधि औपचारिकरूपमा सहभागी हुने भनिएको थिएन तर उनीहरू अनौपचारिक र व्यक्तिगतरूपमा आएर स्वतन्त्र तिब्बतको पक्षमा बोल्ने जानकारी प्राप्त भएपछि सरकार सचेत बनेको हो ।

सम्बन्धित समाचार

बागमतीका १३ वटै जिल्लाका उद्योग प्रशासन डिजिटल प्रणालीमा बाग्मती किनारका हटाइएका बस्ती क्षेत्रमा खुला पार्क, हरित क्षेत्र र पदमार्ग निर्माण गरिने इच्छाकामनाका ३४ परिवारलाई जग्गा धनी प्रमाणपत्र वितरण जगेडा ग्यास नराख्न उद्योगीको आग्रह कृषि विश्वविद्यालयद्वारा किसानलाई तालिम चितवनका थपलिया बागमतीमा मुख्यमन्त्री पक्का लागुऔषधसहित विभिन्न स्थानबाट १४ जना पक्राउ दाह्रा काटिएको धुर्बे निकुञ्जभित्रै : १०/१० मिनेटमा अनुगमन