वीरगञ्ज । अत्यधिक गर्मी बढेपछि वीरगञ्जका विद्यालयमा दुई दिन बिहान मात्रै कक्षा सञ्चालन हुने भएको छ ।

वीरगञ्ज महानगरपालिकाले पछिल्लो समय अत्यधिक गर्मी बढेकाले महानगर क्षेत्रका सामुदायिक तथा संस्थागत विद्यालयमा दुई दिन बिहान मात्रै कक्षा सञ्चालन गर्न निर्देशन दिएको छ ।

महानगरपालिकाको शिक्षा महाशाखाले आज सूचना जारी गर्दै विद्यार्थीको स्वास्थ्यलाई मध्यनजर गरी यही साउन २८ र २९ गते विद्यालयमा बिहानको समयमा मात्रै कक्षा सञ्चालन गर्न निर्देशन दिएको हो ।

‘आकस्मिक रूपमा अत्यधिक गर्मी बढेकाले विद्यार्थीको स्वास्थ्यलाई मध्यनजर गर्दै यही साउन २८ र २९ गते अनिवार्य रूपमा बिहानी सत्रमा बिहान ६ः०० बजेदेखि ०९ः३० बजेसम्म सम्पूर्ण विद्यालयले कक्षा सञ्चालन गर्नु गराउनुहुन आदेशानुसार जानकारी गराइन्छ’, महानगरपालिकाद्वारा जारी सूचनामा उल्लेख छ ।

सम्बन्धित समाचार

देवानगञ्ज घटनाका पीडितलाई दुई लाख प्रदान गर्ने प्रदेश सरकारको निर्णय सुनसरीमा कर्फ्यु हटाइयो, निषेधाज्ञा यथावत् सुनसरीका २ पालिकामा आज पनि निषेधाज्ञा जारी कार्यस्थलमा स्तनपान कक्षको अभाव कक्षाकोठा छाडेर फेरि सडकमा आउँदै गुरूहरू सहकार्यमा जुटे ७ दल, ‘अग्रगामी मोर्चा’को गृहकार्य ‘शनिश्चरे नगर अस्पताल मातृशिशु सुरक्षा केन्द्र’ सरकारले कप्तानगन्ज घटनापीडितलाई राहत प्रदान गर्ने