काठमाडौं । नग्न तस्बिर तथा भिडिओ सार्वजनिक गर्ने धम्की दिएर महिलासँग झन्डै १० लाख असुलेको आरोपमा एक युवक पक्राउ परेका छन् ।

पक्राउ पर्नेमा कञ्चनपुरको कृष्णपुर नगरपालिका १ घर भई हाल काठमाडौंको कीर्तिपुर नगरपालिकामा पर्ने सल्यानथान बस्ने २३ वर्षीय कमलबहादुर बुढा छन् ।

जिल्ला प्रहरी परिसर काठमाडौंका अनुसार उनले सामाजिक सञ्जालमार्फत एक महिलालाई सम्पर्क गरी आफू ‘ह्याकर’ भएको भन्दै नग्न तस्बिर तथा भिडिओ आफूसँग रहेको र रकम नदिए भन्दै सार्वजनिक गर्ने धम्की दिँदै ९ लाख ९५ हजार रुपैयाँ असुलेका थिए ।

सो सूचना प्राप्त हुनासाथ जिल्ला प्रहरी परिसर काठमाडौंबाट खटिएको प्रहरी टोलीले उनलाई पक्रेको हो ।

आपराधिक लाभसम्बन्धी कसुरमा काठमाडौं जिल्ला अदालतबाट ५ दिनको म्याद थप गराई अनुसन्धान भइरहेको प्रहरी परिसर काठमाडौंले शुक्रबार जनाएको छ ।

सम्बन्धित समाचार

काठमाडौं महानगरले सोध्यो ९२ निजी विद्यालयलाई स्पष्टीकरण टिमुरेस्थित सशस्त्रको बीओपी सुरक्षित, ‘ड्यिुटी’मा खटिइएका टोली सम्पर्कविहीन त्रिशूली र नारायणी नदी किनारमा शव खोज्ने काम निरन्तर, ६४ शव भेटिए भोटेकोशी बाढी : उद्धार, उपचार, राहत र पुनःस्थापनाका निम्ति १२ टोली परिचालन बाढीबाट यातायात क्षेत्रमा भएको क्षति सम्बन्धमा अध्ययन गर्न समिति गठन ‘पुरातात्विक महत्त्वका सम्पदाको संरक्षण गरिन्छ’ भोटेकोशी बाढी : ९८७ को शव फेला, ३ हजार ९१६ जना सम्पर्कविहीन पोखरामा ७६ शव गाडेर व्यवस्थापन