काठमाडौं । अर्थमन्त्री डा. स्वर्णिम वाग्लेले विश्व विजय पराजुलीलाई आफ्नो ‘मानवीय मामिला’ सम्बन्धी अवैतनिक सल्लाहकारमा नियुक्त गरेका छन् ।

भदौ २४ गतेको मन्त्रीस्तरीय निर्णयानुसार पराजुलीलाई आगामी मङ्सिर मसान्तसम्मका लागि उक्त पदमा नियुक्त गरिएको हो । भोटेकोशीमा आएको बाढीपछि अर्थ मन्त्रालयले निर्वाह गर्नुपर्ने मानवीय राहत, उद्धार र पुनर्स्थापनाका कार्यलाई थप प्रभावकारी बनाउने उद्देश्यले यो अल्पकालीन नियुक्ति गरिएको मन्त्रालयले जनाएको छ ।

नवनियुक्त सल्लाहकार पराजुलीसँग संयुक्त राष्ट्रसङ्घमा लामो कार्य अनुभव रहेको छ । विपद् जोखिम न्यूनीकरण तथा व्यवस्थापनमा उनको विज्ञता र अन्तर्राष्ट्रिय अनुभव नेपालमा बाढी प्रभावित क्षेत्रको मानवीय सहायता र पुनर्निर्माणमा उपयोगी हुने विश्वास मन्त्रालयले लिएको छ ।

अर्थमन्त्री डा. वाग्लेले पराजुलीलाई नियुक्ति पत्र हस्तान्तरण गर्दै उनको सफल कार्यकालको शुभकामना व्यक्त गरे ।

सम्बन्धित समाचार

सांसद आशिका तामाङ र वडाध्यक्षबीच किन भयो भनाभन ? भोटेकोशी बाढीको बीमा दाबी २६ अर्ब रुपैयाँ, भुक्तानी सरल र सहज बनाउन अर्थमन्त्रीको निर्देशन सुनको मूल्य आठ हजार ८०० रुपैयाँले गिरावट, कतिमा हुँदैछ आज कारोबार ? यस्ता छन् मन्त्रिपरिषद् बैठकका मुख्य ७ निर्णय आज पनि घट्यो सुन र चाँदीको भाउ, कतिमा भइराखेको छ कारोबार ? आज ‘जेन्जी’ शहीद दिवस : सार्वजनिक विदा कांग्रेसको वडा अधिवेशन कार्यतालिका परिवर्तन सरकारले संविधानको मर्ममाथि प्रहार गरिरहेको छः अमरेशकुमार सिंह