सुन्दरहरैँचा(मोरङ) । नेपाली कांग्रेसको १५औँ महाधिवेशनअन्तर्गत मोरङ क्षेत्र नं. ६ को मनोनयन दर्ता सुरु हुनुअघि नै सुन्दरहरैँचामा कांग्रेस कार्यकर्ताबीच झडप भएको छ। झडपमा क्षेत्रीय सभापतिका उम्मेदवार चुमनारायण तब्दार, चेतराज रेग्मी र समुद्र पोखरेलसहित करिब एक दर्जन घाइते भएको बताइएको छ।

कांग्रेस क्षेत्र नं ६ का क्षेत्रीय सभापतिका उमेदवार नेता चुमनारायण तवदार ,चेतराज रेग्मी, समुद्र पोखरेलसहित एकदर्जन घाइते भएका छन्

सुन्दरहरैँचा–४ स्थित सिग्देल बन्धु प्रतिष्ठानको गेटअगाडि मनोनयन दर्ताका लागि नेता तथा कार्यकर्ता भेला भएका बेला दुई पक्षबीच विवाद बढेपछि झडप भएको हो।

प्रारम्भिक जानकारीअनुसार पार्टीभित्रको व्यक्तिगत रिसिइबी तथा विवादका कारण भनाभन सुरु भएको र त्यसपछि हात हालाहालको अवस्था सिर्जना भएको बताइएको छ। झडपका क्रममा क्षेत्रीय सभापतिका उम्मेदवारसहित अन्य नेता तथा कार्यकर्ता घाइते भएको बताइएको छ।

घटनापछि प्रतिष्ठान परिसरमा केही समय तनावपूर्ण अवस्था सिर्जना भएको थियो। झडपका कारण आज हुने भनिएको मनोनयन दर्ता प्रक्रिया रोकिएको बताइएको छ।

मनोनयन दर्ता सुरु हुनुअघि नै झडप भएपछि मोरङ–६ को निर्वाचन प्रक्रिया अन्योलमा परेको छ। निर्वाचन प्रक्रिया कहिलेबाट पुनः सुरु गर्ने भन्ने’bout सम्बन्धित निर्वाचन समिति तथा पार्टी नेतृत्वबाट औपचारिक जानकारी आउन बाँकी रहेको छ। घटनामा घाइते भएकाहरूको अवस्था र झडपको विस्तृत कारण’bout थप विवरण आउन बाँकी छ।

सम्बन्धित समाचार

भुसुने जंगलमा झण्डै २ कुइन्टल गाँजा मौसमी र प्रकोपको अवस्था निगरानीका लागि सशस्त्र प्रहरी झापाद्वारा ड्रोन परिचालन, उद्धार टोली चौबीसै घण्टा स्ट्यान्डबाई सन्दर्भ संविधान दिवसः संघीयतापछि दलित र सीमान्तकृत समुदायको जीवनमा आएको परिवर्तन संविधान संशोधनको साहस र स्पष्टता महाधिवेशनबाट ल्याउँछौंः गगन थापा ध्यानका लागि आकर्षक गन्तव्य बन्दै शिवपुरीको ध्रुवस्थली परदेशले खोसेको सपना : कुवेतको अस्पतालमा तीन वर्षदेखि हर्कमानको मौन संघर्ष