काठमाडौँ । नेपाल बराम समाजको आयोजनामा बराम जातिको ‘प्रथम फुटसल कप’ प्रतियोगिता काठमाडौँमा सम्पन्न भएको छ। बुढानीलकण्ठस्थित देवी स्पोर्ट्स हाउसमा भएको प्रतियोगितामा २४ टोली सहभागी भएका थिए।

प्रतियोगिताको फाइनलमा थुमी युवा क्लबले गाउँले एकता बराम क्लबलाई ३–२ गोलले पराजित गर्दै उपाधि जितेको छ। विजेता थुमी युवा क्लबले नगद २० हजार रुपैयाँसहित ट्रफी तथा उपविजेता गाउँले एकता बराम क्लबले १० हजार रुपैयाँसहित ट्रफी प्राप्त गरेको छ।

गाउँले एकता बराम क्लबका सन्देश बराम उत्कृष्ट खेलाडी तथा थुमी युवा क्लबका सचिन बराम उत्कृष्ट किपर घोषित भए। अन्नपूर्ण युवा क्लबका मनोज बराम ८ गोल गर्दै सर्वाधिक गोलकर्ता बने।

नेपाल बराम समाजका अध्यक्ष सागर बरामले काठमाडौँमा छरिएर रहेका बराम युवालाई एकजुट गराउँदै जातीय पहिचान, संस्कृति र समुदायप्रति सचेत गराउने उद्देश्यले प्रतियोगिता आयोजना गरिएको बताए।

बराम जाति नेपालका अति सीमान्तकृत आदिवासी जनजाति समूहमा पर्छ। करिब ७ हजार ८५९ जनसंख्या रहेको बराम समुदायको मौलिक भाषा ‘बालकुरा’ लोपोन्मुख अवस्थामा रहेको समाजले जनाएको छ।

सम्बन्धित समाचार

बीसौँ एसियाली खेलकुद : महिला कबड्डीमा नेपाललाई कास्य पदक एसियाली शारीरिक सुगठनमा नेपाललाई स्वर्णपदक नेसन्स लिगमा रोनाल्डो र हालान्ड आमनेसामने हुँदै वर्षा बाधक बन्दा श्रीलंकासँगको खेल रद्द, एसियन गेम्स क्रिकेटबाट नेपाल बाहिरियो १० औं राष्ट्रिय खेलकुद प्रतियोगिताका लागि कालिकोटमा खेलाडी छनोट कर्णालीमा हुने १०औँ राष्ट्रिय खेलकुद प्रतियोगिताको यस्तो छ भव्य तयारी एनपीएलको तयारी अन्तिम चरणमा लुम्बिनी लायन्सको अफिसियल फुड पार्टनरमा बिर्यानी विस्ट्रो