काठमाडौं । दसैंको उल्लासमय वातावरणबीच सार्वजनिक नेपाल भाषाको गीत ‘नुगलय् तय्लात’ले २४ घण्टा नबित्दै लाखबढी ‘भ्युज’ कटाएको छ ।

गायिका निशा देशार र गायक तथा संगीतकार रोज मान महर्जनको स्वरकृत यस गीतको भिडियोमा अभिनेत्री निती शाहले पहिलोपटक नेवाः भाषाको म्युजिक भिडियोमा अभिनय गरेकी छन् । यस गीतले परम्परागत सांगीतिक स्वादसँगै प्रेम, भावना र मनोरञ्जन समेट्ने प्रयास गरेको छ ।

भिडियोमा अभिनेत्री शाहसँगै मनोज महर्जन, सञ्जना महर्जन र जेनिश शाक्यले अभिनय गरेका छन् । कलाकारका अभिनय, नृत्य तथा दृश्यात्मक प्रस्तुति विशेष प्राथमिकता दिइएको गीतको कोरियोग्राफी सृष्टि महर्जनले गरेकी हुन् ।

ज्यास फिल्म्सको प्रस्तुतिमा निर्माण भएको ‘नुगलय् तय्लात’ गीतमा रोज मान महर्जनकै शब्द तथा संगीत रहेको छ । नेपाल भाषाका गीतसंगीतमा रुचि राख्नेका लागि यो गीत नयाँ सांगीतिक स्वाद बनेको छ ।

आशुतोष बराहीको निर्देशनमा तयार भिडियोमा गीतको भावअनुसार कलाकारका प्रस्तुति समेटिएको छ । निती शाहको आकर्षक उपस्थिति र नृत्यसहितको अभिनयले भिडियोलाई थप रोचक बनाएको छ । गीतको श्रव्य पक्ष गुणस्तरीय बनाउन रेकर्डिङदेखि मिक्सिङ तथा मास्टरिङसम्मका प्राविधिक पक्षमा विशेष ध्यान दिइएको छ । ज्योति रेकड्र्समा स्वरांकित गीतको रेकर्डिङ, एरेन्जमेन्ट, मिक्सिङ तथा मास्टरिङको जिम्मेवारी फिरोज बज्राचार्यले सम्हालेका छन् ।

नेपाल भाषा तथा नेपाली संगीत क्षेत्रमा आफ्ना सिर्जनामार्फत परिचित निशा देशार र रोज मान महर्जनले यसअघि पनि विभिन्न गीतबाट दर्शक तथा श्रोतामाझ लोकप्रियता हासिल गरेका छन् । ‘ऐला लूवया’, ‘माया मदुला’ र ‘मखं त्वाः या ग्वाः’लगायतका नेपाल भाषाका गीतबाट चर्चामा आएको युगल जोडीको नयाँ प्रस्तुतिले चर्चा बटुल्दै छ ।

नेपाल भाषा संवादको माध्यममात्र नभई मौलिक संस्कृति, परम्परा र पहिचानसँग जोडिएको महत्वपूर्ण सम्पदासमेत हो । गीतसंगीतले भाषालाई नयाँ पुस्तासम्म पु¥याउन र सांस्कृतिक पहिचान जीवन्त राख्न महत्वपूर्ण भूमिका खेल्छ । ‘नुगलय् तय्लात’जस्ता सिर्जनाले नेपाल भाषाको सांगीतिक यात्रामा थप योगदान पु¥याउने अपेक्षा गायक तथा संगीतकार रोज मान महर्जनको छ ।

त्यसो त, नेपाली सांगीतिक क्षेत्रमा गीतको अडियोसँगै भिडियोको प्रस्तुति, कलाकारको छनोट र दृश्यात्मक आकर्षणलाई पनि उत्तिकै महत्व दिन थालिएको छ । यही परिवेशमा ‘नुगलय् तय्लात’लाई पनि श्रव्य तथा दृश्य दुवै पक्ष समेटेर तयार पारिएको निर्देशक बाराही बताउँछन् ।

दसैं नेपाली समाजमा पारिवारिक भेटघाट, आपसी सद्भाव र खुसी साटासाट गर्ने महत्वपूर्ण अवसर हो । यही उत्सवमय समयलक्षित सार्वजनिक ‘नुगलय् तय्लात’ ले दर्शकलाई नयाँ सांगीतिक स्वाद दिने निर्माण पक्षको अपेक्षा छ । गीतमा प्रेम र भावनासँगै मनोरञ्जनात्मक पक्ष समेटिएको छ ।

नेपाल भाषाका गीत सुन्ने श्रोता, मौलिक सांगीतिक सिर्जनामा रुचि राख्ने दर्शक तथा निती शाहका प्रशंसकका लागि यो भिडियो चासोको विषयसमेत बनेको छ ।

सम्बन्धित समाचार

निखिलको ‘आचार्य’ भन्दा दिव्यदेवको ‘बा एक योद्धा’ को कमाइ बढी भट्टराईको पहिलो कृति ‘कलेजी प्रेम’ लोकार्पण नृत्य विधामा स्वजन रघुवंशीलाई विद्यावारिधि बलिउड अभिनेता नाना पाटेकरको निधन रेखाको फिल्ममा अञ्जु र सत्यराजको स्वर एक्सट्रीम म्युजिक सिरिज सुरु ‘आचार्य’ भन्दा ‘बा:एक योद्धा’ को कमाइ झन्डै दोब्बर लोकदोहोरी गायिका रीता थापामगर कांग्रेस केन्द्रीय सदस्यमा निर्वाचित