इलाम । दोस्रो संस्करणको झापा महिला गोल्डकप मंसिर ५ गतेदेखि १२ गतेसम्म हुने भएको छ । प्रतियोगितामा नेपाल, भारत र भुटानका गरि आठ टीम सहभागी हुने आयोजकले जनाएको छ ।

गोल्डकपलार्ई व्यवस्थित र आकर्षक बनाउन आयोजकले यसपटक दर्शकदीर्घामा नयाँ प्रविधि प्रयोग गरेको छ । झापाकोे दुधे रङ्गशालामा हुने प्रतियोगिताका दर्शकका लागि नेपालमै पहिलोपटक रिङलक प्रविधिमा आधारित आधुनिक अस्थायी प्यारापिट जडान गरिएको आयोजकले जनाएको छ ।

झापा महिला गोल्डकपका अध्यक्ष सन्तोष थोप्राका अनुसार मैदानको पूर्वतर्फ निर्माण गरिएको रिङलक प्रविधिको प्यारापिट दुई हजार दर्शक क्षमताको छ । ग्याल्भनाइज्ड स्टिलका पाइप, रिङलक प्रणाली र प्लेटफर्म प्रयोग गरी निर्माण गरिएको उक्त संरचना प्रतियोगितालाई लक्षित गरेर तयार पारिएको हो ।

आवश्यकताअनुसार जडान गर्न र प्रतियोगिता सम्पन्न भएपछि फुकालेर अन्यन्त्र लैजान र राख्न सकिने भएको हुँदा यसलाई प्रयोग गरिएको आयोजकले जनाएको छ ।

प्यारापिट छ तहको हुनेछ भने यसमा प्रयोग हुने ६ गुणा ४ फिटको एउटा प्लेटफर्मले दुई हजार किलोग्रामसम्म क्षमता थाम्ने आयोजकको दाबी छ । संरचनामा इन्जिनियरिङ डिजाइन, भार परीक्षण, रेलिङ, भ¥याङ, आपत्कालीन निकास तथा सुरक्षा प्रमाणीकरणको व्यवस्था गरिएको अध्यक्ष थोप्राकाले बताए ।

रङ्गशालाको पश्चिमतर्फ स्थायी प्यारापिट रहेको छ भने पूर्वतर्फ आधुनिक रिङलक प्यारापिट निर्माण गरिएको छ । उत्तर र दक्षिणतर्फ बाँसका अस्थायी प्यारापिटसमेत निर्माण गर्ने तयारी छ । प्रतियोगिताको विजेताले ११ लाख रुपैयाँ र उपविजेताले पाँच लाख ५० हजार रुपैयाँ प्राप्त गर्नेछन ।

सम्बन्धित समाचार

आईसीसी विश्वकप लिग–२ एकदिवसीय क्रिकेट : नेपालले क्यानडासँग खेल्दै, शीर्ष ६ मा स्थान सुरक्षित गर्ने अवसर पाकिस्तानका कप्तान फरहानले कर्णाली याक्सबाट एनपीएल खेल्ने क्रिकेट हेर्न र रमाउन ९ सहरमा एक्सट्रीमका १० फ्यान जोन, प्रवेश निःशुल्क क्रिकेटको जोश, संगीतको ऊर्जा: एक्स्ट्रीम एन्थम सार्वजनिक ! लुम्बिनी लायन्सले सुदूरपश्चिम रोयल्सलाई ७ विकेटले हरायो कर्णालीको विजयी सुरुवात, जनकपुर १९ रनले पराजित जनकपुर सामु काठमाडौं गोर्खाज निरीह नेपाल सम्बत् न्हूदँ बुद्धिचाल बुधबारदेखि