सप्तरी । सप्तरीको हनुमाननगर कंकालिनी नगरपालिका ३ पोर्ताहाकी १८ वर्षीया कबिताकुमार राय आफ्नै घरमा झुण्डिएको अवस्थामा मृत फेला परेकी छिन् । सुत्ने कोठामा साडीको पासो लगाई झुण्डिएको अवस्थामा उनको मृत शरीर शुक्रबार बिहान फेला परेको प्रहरीले जनाएको छ ।

मृतकका बुबा जयप्रकाशले राती १० बजेतिर खाना खाएर कोठामा सुत्न गएकी छोरी बिहान झुण्डिएको अवस्थामा फेला परेपछि तत्कालै प्रहरीलाई खबर गरेको बताए । उनले के कुन कारणले छोरीले आत्महत्या गरिन् भन्ने कुरा बुझ्न नसकेको बताए ।

कबिताले आत्महत्या गरेको देखिएको जनाउँदै प्रहरीले उनको शव पोष्टमार्टमका लागि गजेन्द्रनारायण सिंह अस्पताल पु¥याइ आवश्यक अनुसन्धान भइरहेको जनाएको छ । योसँगै सप्तरीमा तीन महिनाको अवधीमा आत्महत्या गर्नेको संख्या ११ पुगेको प्रहरी तथ्याङ्कले देखाएको छ ।