गम्भिर प्रेमी अझै भेटिनँ : दिपाशा (फाेटाेफिचर)

करिब दुई वर्ष नृत्य प्रशिक्षण र एकवर्षे अभिनय प्रशिक्षणपछि चलचित्र ‘दुलही रानी’बाट डेब्यु गरेकी दिपाशा बिसीको अभिनय यात्रा आठ वर्ष लाग्दै छ । अहिले उनलाई ‘म्युजिक भिडियो मोडलिङ’मा भ्याइनभ्याइ छ ।

सुर्खेत वीरेन्द्रनगरकी दिपाशा अध्ययनसँगै ‘कला करिअर’ बनाउन काठमाडौं आएकी हुन् । उनले यो सातासम्म ६ वर्षको ‘म्युजिक भिडियो करिअर’मा ५ सय ९ भिडियोमा मोडलिङ गरिसकेकी छन् ।

दिपाशाले भारतीय गायिका सञ्जीवनीको स्वर रहेको हेमन्त शिशिरको ‘तिमी थोरै…,’बाट म्युजिक भिडियोबाट डेब्यु गरेकी हुन् ।

त्यस्तै, कृष्ण रेउलेको ‘अझै छु म पागल बनेको…,’ झरक संगीतमको ‘नानी आँखामा…,’ हरि विष्टको ‘माइतीको देशमा…,’ रामजी खाँडको खोया…,’ गोपाल नेपाल जीएमको ‘नक्कली मोरी…,’ स्वरूपा रसाइलीको ‘तिम्रै काखमा…,’जस्ता हिट गीतको भिडियोमा उनले अभिनय गरेकी छन् । स्टेजमा पनि उत्तिकै व्यस्त हुने गरेकी छन्, दिपाशा ।

नायिका बन्ने सपना बुनेकी दिपाशाले ‘दुहली रानी’पछि ‘झेली,’ ‘ताल,’ ‘बिरानो माया’जस्ता चलचित्रमा अभिनय गरिसकेकी छन् । उनको फिल्म ‘रमिता’ प्रदर्शन तयारीमा छ । यिनै मोडलसँग डब्बु क्षत्रीले गरेको सटकट संवाद :

दिपाशाको परिचय मोडल कि नायिका ?

खास परिचय नायिका नै हो । नायिकाकै रूपमा चलचित्रमा आएकी हुँ । तर, म्युजिक भिडियोमा राम्रो प्रस्ताव आएपछि यति बढी व्यस्त भए“ कि आजकाल नायिकाभन्दा मोडलकै रूपमा चिनिन थालेकी छु ।


कमाइ पनि राम्रो भएर भिडियोमा लागेको हो ?


त्यस्तो पनि हैन, भिडियोमा व्यस्त भएपछि चलचित्रमा प्रस्ताव कम आएको हो । अहिले भिडियोको कमाइले जीवनयापन राम्रो चलेको छ । यसमै रमाएकी छु ।


मासिक कतिवटा भिडियो पुग्छ ?
तीजको बेला ३५ वटासम्म भिडियोमा मोडलिङ गरेकी छु । अरुबेला मासिक १० वटासम्म हुन्छ ।


कस्तो गीतको भिडियो गर्न मन छ ?
नाच्ने गीतमा काम गर्न बढी मन पर्छ । मलाई स्याडभन्दा डान्सिङ गीत बढी सुहाउने भएकाले त्यही नै बढी गर्छु । अझ त्यसमा पनि लोकदोहोरी बढी गर्दै आएकी छु ।


स्टेज कार्यक्रममा पनि बढी खोजिन्छ नि, हैन ?
म स्टेजमा आकर्षक नृत्य प्रस्तुत गर्न सक्छु । त्यसैले देश–विदेशमा सहभागी हुने गरेकी छु । हिउँदमा त स्टेज कार्यक्रम भ्याइनभ्याइ हुन्छ । सिजनमा मासिक १० वटासम्म स्टेज कार्यक्रम गर्दै आएकी छु ।


प्रेममा कतिको विश्वास छ ?
मायामा विश्वास गर्छु । यसले नै संसार चल्छ । यही कारण मायामा विश्वास गर्छु ।


विश्वास गरेको मायालु साथमा छ त ?
अहिले छैन । हुनेछ भन्ने विश्वासमा छु ।


मन पराउने त होलान् नि ?
हजार छन् । म तपार्इंलाई लभ गर्छु, माया गर्छु भन्ने धेरै छन् । माया गर्छु भन्नेलाई ‘धन्यवाद’ भन्ने गरेकी छु ।
सिरियससँग प्रेम गर्ने भटेकी छैन । मेरो पेसा कलाकारिता भएकाले कलाकारिता बुझ्ने र साथ दिनेसँग मात्र विवाह गर्छु ।

तपाईं पनि मोडलिङ क्षेत्रमा इच्छुक हुनुहुन्छ ? यस क्षेत्रमा ‘करिअर’को ढोका खोल्न चाहनुहुन्छ ? आउनुहोस्, हामी साथ दिनेछौं । सम्पर्क :[email protected]
तस्बिर : सत्यन श्रेष्ठ
लोकेसन : ठमेल इको रिसोर्ट, काठमाडौं

तपाइको प्रतिक्रिया
(Visited 151 times, 1 visits today)

Ads Space Available

epaper

भर्खरै

स्याङ्जा क्षेत्र नं २ बाट धनराज गुरूङ विजयी

कुरी-कुरी

राजधानी राष्ट्रिय दैनिक:कुरी-कुरी – कार्तिक ३०, २०७९
राजधानी राष्ट्रिय दैनिक:कुरी-कुरी – कार्तिक ३०, २०७९