नेकपाको आजको बैठकले पार्टीलाई अतितको कचिङ्गलबाट मुक्त गर्ने

काठमाडौं । सत्तारुढ नेपाल कम्युनिस्ट पार्टी (नेकपा) को स्थायी समितिको वैठक आज बस्दैछ । लामो समयदेखि विवाद र बहसपछि आज बस्ने स्थायी समितिको वैठकले पार्टी र सरकारलाई गति दिने अपेक्षा गरिएको छ । आजको स्थायी समितिको वैठकले पार्टीलाई अतीतमुखी कचिङ्गलबाट मुक्त गर्ने प्रधानमन्त्रीका प्रेस सल्लाहकार सूर्य थापाले उल्लेख गरेका छन् । उनले ट्विट गर्दै भनेका छन् ‘गुटबन्दी र गणितीय चलखेलबाट मुक्त भएर पार्टी एकीकरण सहमति र अग्रगतिका साथ भविष्यमुखी बन्न अग्रसर हुनुको अर्को विकल्प पनि त छैन ।’

पार्टीका अध्यक्षद्वय केपी शर्मा ओली र प्रचण्डले विष्णु पौडेलको नेतृत्वमा गठित पार्टीभित्रको विवाद समाधानसम्न्धी कार्यदलको प्रतिवेदनलाई परिमार्जनसहित छलफलका लागि स्थायी समितिका सदस्यलाई पठाइसकेको छ ।

प्रस्तावमा पाटी एकताको महत्वलाई आत्मसात गर्ने, पार्टीमा पद्धति र संस्थागत प्रणालीलाई सबल तुल्याउने, अध्यक्षद्वयको कार्यविभाजन तथा कार्यअधिकार स्पष्ट पार्ने, पार्टी एकताका बाँकी काम सम्पन्न गर्ने, सरकारको पुनर्गठन लगायत विषय रहेका छन् ।

दुई अध्यक्षले सहमतिका साथ ल्याएको प्रस्तावमा माधवकुमार नेपाल भने असन्तुस्ट रहेका छन् । नेपालले खासगरी एक पद एक जिम्मेवारीको कुरा मुख्य रुपमा उठाएका छन् । यसमा अध्यक्ष प्रचण्डको भूमिका कसरी निर्धारित हुन्छ त्यसले नै धेरै कुरा निर्धारण हुने नेपालको भनाइ रहेको छ ।

तपाइको प्रतिक्रिया
(Visited 91 times, 1 visits today)

आजको समाचार

Ads Space Available

epaper

भर्खरै

कांग्रेसको समानुपातिक सूची संशोधनमा सहमति जुट्यो

कुरी-कुरी

आजको १० समाचार