काठमाडौं । प्रधानमन्त्री बालेन्द्र शाहले विपद्का समयमा सरकारलाई थकित भयो भनेर विश्राम लिने छुट नभएको बताएका छन् ।

प्रतिनिधिसभाको आजको बैठकलाई सम्बोधन गर्दै उनले संकटको यो घडीमा देशको नेतृत्वले आँसु होइन, जनतालाई हिम्मत, आड र भरोसा दिनुपर्ने यथार्थलाई आफूहरूले स्वीकार गरी अहोरात्र खटिरहेको उल्लेख गरे । उनले मन भक्कानिँदा पनि एक–आपसमा बिलौना गर्ने समय झनै नभएको बताए ।

प्रधानमन्त्री शाहले भने, ‘सोही दृढ संकल्प र साहसका साथ यो विपत्तिसँग लड्नुको हामीसँग अर्को विकल्प थिएन र छैन । हामी लडिरहेका छौँ ।’

आफ्ना सपनाहरू बुनिरहेका नानीबाबुहरू, हाँसो–खुसीका साथ बसिरहेका आमाबुबा, दाजुभाइ तथा दिदीबहिनीहरूलाई यही १० भदौको रसुवाको भोटेकोशी नदीमा गएको भीषण बाढीले क्षणभरमै खोसेर लगेको बताउँदै प्रधानमन्त्रीले यस अकल्पनीय विपत्तिमा परेर ज्यान गुमाउने सम्पूर्णमा श्रद्धाञ्जली अर्पण गरे । साथै उनले आफ्ना मान्छे गुमाएर गहिरो शोकमा परेका परिवारजनप्रति समवेदना प्रकट गरे ।

प्रधानमन्त्री शाहले घाइते भएका सबैको शीघ्र स्वास्थ्यलाभको कामना गर्दै आफ्ना मान्छे अझै फेला नपरेर बाटो हेरिरहेका नागरिकहरूको पीडा पनि आफूले गहिरोसँग महसुस गरेको उल्लेख गरे । ‘यो पीडा रसुवा, नुवाकोट वा धादिङको मात्र होइन, यो सिंगो नेपालको छातीमा परेको साझा बज्रपात हो । बाढीमा परेका नागरिकको कारुणिक चित्कार सुन्दा मेरो छाती चिसो हुन्छ,’ उनले भने ।

प्रधानमन्त्री शाहले बाढी प्रभावितहरूको जीवनरक्षाका लागि सरकारले गरिरहेको कामका ’boutमा सदनलाई विस्तृत रूपमा जानकारी गराएका थिए ।

यस्ताे छ पूर्णपाठ : 

सम्बन्धित समाचार

असोजमा १५औँ महाधिवेशन गरे कांग्रेस विभाजन हुन्छः शंशाक आशिकाको रिस अझै मरेन, आज पनि खनिइन् चिरिबाबुप्रति कांग्रेसभित्र एकताका लागि गगन थापासँग संवाद गर्ने देउवाको संकेत एमाले अन्तरकलहः मिल्ने छाँट छैन, फुट्ने आँट छैन फोहोर व्यवस्थापनमा उपत्यकाका स्थानीय तहको ‘दादागिरी’ रसुवा बाढीका कारण प्रधानमन्त्रीसँग प्रश्नोत्तर नहुने, गृहमन्त्रीले जानकारी दिने प्रधानमन्त्री बाढी प्रभावित विदुरमा प्रतिनिधिसभाको बैठक आह्वान, महाविपद्‍ सम्बन्धमा सभामुखले विशेष प्रस्ताव पेस गर्ने