सिन्धुपाल्चोक । सिन्धुपाल्चोकमा आयोजित एक कार्यक्रममा सहभागी भएका नेपाली कांग्रेसका सभापति एवमं पूर्वप्रधानमन्त्री शेरबहादुर देउवा पत्रकारसंग बोल्दै नबोलि हिँडेका छन् ।
नेपाली कांग्रेस केन्द्रीय खेलकुद विभागद्धार आयोजीत प्रथम कोमलमाया–खडग बस्नेत स्मृति फुटबल प्रतियोगीताको समापन समारोहमा भाग लिन मंगलबार सिन्धुपाल्चोकको बाह्रविसे पुगेका देउवा पत्रकारसंग कुरा नगरि हिँडे ।
पार्टी सभापति जिल्ला आएको मौकामा पछिल्लो राजनीतिक घटनाको बारेमा नेपाली कांग्रेस निकट प्रेस युनियन सिन्धुपाल्चोकले पत्रकार भेटघाट कार्यक्रम समेत राखेको थियो । उक्त कार्यक्रममा देउवा सहभागी नै भएनन् । कांग्रेस केन्द्रिय सदस्य मोहनबहादुर बस्नेतसँग समय लिएर प्रेस मिटको तयारी गरेको तर अन्तिम समयमा देउवाले प्रेससँग बोल्दिन भन्ने जानकारी बस्नेतले आफुहरुलाई गराएको प्रेस युनियनका पुर्व अध्यक्ष युवराज पुरीले जानकारी दिए ।
‘हामी सभापति ज्यु आउनुहुन्छ भनेर ब्यानर राखेर सबै सञ्चारकर्मी तयारीमा बसेका थियौ तर उहाँ बोल्नै मान्नु भएन ।’ पूर्व अध्यक्ष पुरीले भने । प्रेस सँग बोल्दिन,जे बोल्ने हो सार्वजनिक कार्यक्रममा नै बोल्छु भनेर केन्द्रीय सदस्य बस्नेतले आफुहरुलाई जानकारी गराएको पुरीले जानकारी दिए ।
प्रेस युनियन सिन्धुपाल्चोकको अध्यक्ष दुर्गा आचार्य कांग्रेस केन्द्रिय सदस्य शेखर कोइरालाको स्वकिय सचिव दिनेश थपलियाको श्रीमती हुन् । केन्द्रिय सदस्य कोइराला प्रधानमन्त्री ओलीको कदमको विपक्षमा छन् । यही कारणले पनि देउवा सञ्चारकर्मीसँग बोल्न नमानेको हुन सक्ने सञ्चारकर्मीहरुले आशंका गरेका छन् । शेखर सभापति देउवाको कडा आलोचक मानिन्छन् । उनले आगामी महाधिवेशनमा सभापतिको उम्म्दवार बन्ने घोषणा समेत गरिसकेका छन् । नेपाली कांगेसका केन्द्रीय सदस्य मोहनबहादुर बस्नेतका स्वर्गीय आमा कोमलमाया बस्नेत र बुबा खडगबहादुर बस्नेतको स्मृतिमा बाह्रविसे नगरपालिकाको पलाँतीस्थित अंगेरीपाखा खेल मैदानमा एक साता देखि सिन्धुपाल्चोकको गाउँपालिका स्तरीय फुटबल प्रतियोगीता सञ्चालन भइरहेको छ ।
