जनतामा निराशा होइन आशा जगाऔं

प्रधानमन्त्री केपी शर्मा ओलीले मंगलबार राष्ट्रिय सञ्चार माध्यमका सम्पादकसँग लामो अन्तक्र्रिया गरे । अन्तक्रिर्याका क्रममा सम्पादकले प्रधानमन्त्रीलाई विभिन्न सुझाव दिए भने प्रधानमन्त्रीले पनि मिडियाले जनतामा निराशा नभएर आशाको सन्देश दिनुपर्ने आवश्यता औंल्याए । प्रधानमन्त्रीसँगको अन्तक्र्रियामा सम्पादकले निकै खुलेर सरकारको आलोचनासमेत गरे । सरकारले जनताले अनुभूत हुनेगरी विकास निर्माणका कार्य गर्न नसकेको र सुशासन स्थापना गर्न पनि उल्लेख्य कदम चाल्न नसकेकोमा सम्पादकले प्रधानमन्त्रीको गम्भीर ध्यानाकृष्ट समेत गराए । यसैगरी सरकारले अहिले मिडियालाई अंकुश लगाउनेगरी विभिन्न कानुन तर्जुमा गरी निरंकुशता लाद्न खोजेको भन्दै सम्पादकहरूले पूर्णप्रेस स्वतन्त्रताको ग्यारेन्टी गर्न माग गरे । जवाफमा प्रधानमन्त्रीले आफू ५५ वर्षसम्म स्वतन्त्रताको लडाइँ लडेकाले आफू प्रधानमन्त्री हँुदा प्रेस स्वतन्त्रता र अभिव्यक्ति स्वतन्त्र हनन हुने भन्ने कुराको कल्पना पनि गर्न नसकिने भन्दै सम्पादकलाई आश्वस्त पार्न खोजे ।


समग्रमा प्रधानमन्त्रीसँग भएको सो छलफलले राम्रो निचोड निकालेको छ । सञ्चारमाध्यम सरकारबाट प्रेस स्वतन्त्रता हनन हुने खालका कुनै कार्य हँुदैन भन्नेमा आश्वस्त बन्न पुगेका छन् । छलफलमा जस्तासुकै विषय उठे पनि प्रधानमन्त्रीले उठान गरेको एउटा विषय भने निकै महŒवपूर्ण छ, त्यो हो सबै मिलेर जनतामा आशा जगाउनु । पक्कै पनि जनतामा आशा जगाउनु सरकार, मिडिया सबैको कर्तव्य हो । यसमा सबै मिडियाकर्मी संवेदनशील हुन जरुरी छ । तर, यसमा पनि सबैभन्दा बढी जिम्मेवार हुनुपर्ने भनेकै सरकारी पक्ष हो । जनतामा खुसी दिलाउने र जनतालाई सन्तुष्टि दिलाउने भनेकै सरकारी पक्षले हो । जब गाउँगाउँमा विकास निर्माणका कार्यले तीव्र गति लिन्छ अनि जनता स्वतः खुसी हुन्छन् । जब महँगी घट्छ तब जनता खुसी हुन्छन् । आफ्ना आधारभूत आवश्यकताको सहज र सुलभ आपूर्ति भयो भने पनि त्यतिखेर जनता खुसी हुन्छन् र जनतामा आशा जाग्छ । तर, अहिले सरकारले जनतामा प्रत्यक्ष अनुभूति हुने गरी विकास निर्माणका कार्य आक्रामक किसिमले अघि बढाउन सकेको छैन । महँगीको दर पनि दिन प्रतिदिन बढिरहेको छ । यस्तो अवस्थामा जनतामा आशा जगाउने कार्य कठिन हुन सक्छ । सरकारले सबैतिर राम्रो काम गर्न सक्यो, जनताको भावनाको सम्मान गर्न सक्यो भन्ने खालका समाचारहरू मिडियाले लेख्न सक्ने वातावरण सरकार स्वयंले सिर्जना गर्न सक्नुपर्छ ।


सरकारले राम्रो काम गर्दै गयो र विकासको मूल फुटाउन थाल्यो भने जनताले विकासको अनुभूति गर्न सक्नेछन् । त्यस्तो अवस्थामा मिडियाले पनि सरकारका राम्रो कार्यको प्रशंसा गर्नेछ । यसो भन्दैमा मिडियाले पनि सबै बिग्रियो बर्बाद भयो भन्नेजस्ता गलत सन्देश जनतामा दिने काम चाहिँ गर्नुहँुदैन । सरकारलाई खबरदारी गर्नु मिडियाको धर्म हो । तर, खबरदारी गर्ने नाममा मुलुक पुरै बर्बादीतर्फ गयो भन्ने गलत सन्देश कुनै पनि मिडियाले दिनुहँुदैन । पहिलोपटक संघीय शासन प्रणालीको अभ्यास भइरहँदा सुरुका दिनमा केही समस्या देखिन सक्छन् । सरकारले त्यस्ता समस्यालाई समाधान गर्नका लागि सबै सरोकारवालासँग छलफल र समन्वय गर्दै अगाडि बढ्न सक्नुपर्छ । सबै जनतामा आशा जगाउने कार्यको थालनी सरकारले नै गर्नुपर्छ भने आम सञ्चारमाध्यमले पनि सकारात्मक सन्देश दिएर जनतालाई जागरुक बनाउनुपर्छ ।

तपाइको प्रतिक्रिया
(Visited 156 times, 1 visits today)

Ads Space Available

epaper

भर्खरै

बीपी र पुष्पलालले हेरिरहेका छन् कि ?

कुरी-कुरी

राजधानी राष्ट्रिय दैनिक:कुरी-कुरी – असोज ८, २०८०
राजधानी राष्ट्रिय दैनिक:कुरी-कुरी – असोज ८, २०८०
पाल्पाको रिब्दीकोटमा गठबन्धनका उम्मेदवार विजयी