एजेन्सी । तालिवान लडाकूहरु अफगानिस्तानको राजधानी कावुलमा प्रवेश गरेका छन् । लडाकु काबुल प्रवेश गरे लगत्तै राष्ट्रपति अर्सफ घानीले आपतकालिन बैठक बोलाएका छन् ।
गृहमन्त्री अब्दुल सत्तार मिर्जाक्वानले शान्तिपूर्ण सत्ता हस्तान्तरण हुने बताएका छन् ।
रोयटर्सले उच्च अधिकारीहरुलाई उद्वृत गर्दै तालिवानी लडाकु चारैतिरबाट काबुलमा प्रवेश गरिरहेको जनाएको छ । तर विस्तृत विवरण दिइएको छैन ।
कावुलको ’round विभिन्न स्थानमा गोली चलेको आवाजहरु सुनिएका छन् । तर, अहिलेसम्म राजधानी शहर सुरक्षा फौजकै कब्जामा रहेको जनाइएको छ ।
अमेरिकी अधिकारीहरुले आफ्नो दूतावासका कर्मचारीहरुलाई हेलिकोप्टरबाट उठाएर एयरपोर्टतर्फ लगेको जनाएका छन् ।
तालिवानका एक अधिकारीले रोयटर्सलाई आफूहरुले हताहति नचाहेको बताएका छन् । तर, अहिलेसम्म उसले युद्धविरामको घोषणा गरेको छैन ।
आइतबार बिहानै लडाकुहरुले कुनै मुठभेडबिना जलालबादको पूर्वी शहर कब्जा गरे । यसले भूपरिवेष्ठित देशको एउटा मूख्य राजमार्गमा उनीहरुको नियन्त्रण कायम भएको छ । उनीहरुले पाकिस्तानसँग जोडिएको तोर्खाम सीमा नजिक पनि उनीहरुले कब्जा जमाएका छन् ।
