माधव नेपालप्रति ओलीको व्यंग्य: पिलो निचोर्दैमा शरीरको तौल घट्दैन

 

बुटवल । पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले वर्तमान सरकारले अघिल्लो सरकारको पालामा भएका विकास निर्माणलाई सिध्याउन खोजेको आरोप लगाएका छन् ।

सरकार आफूले पनि केही गर्न नसकेको र अरूले गरेका कामलाई पनि देख्न नसकेर ध्वस्त पार्न उद्यत रहेको उनको आरोप छ । उनले शेरबहादुर देउवा नेतृत्वको सरकारलाई बुख्याँचाको संज्ञा दिएका छन् ।

पार्टीको रूपन्देही जिल्लास्तरीय अगुवा कार्यकर्ता भेलालाई बुधबार बुटवलमा सम्बोधन गर्दै अध्यक्ष ओलीले भने, ‘हाम्रो सरकारका पालामा प्रत्येक पालिका जोड्ने २०० भन्दा बढी रणनीतिक महत्त्वका सडक एकैसाथ शिलान्यास गर्‍यौँ तर अहिलेको सरकारले भत्काइदियो, भूमिहीन आयोग खारेज गर्‍यो । यो सरकार काम गर्नका लागि होइन, भत्काउनका लागि बनेको हो ।’

आफू नेतृत्वको अघिल्लो सरकारले सडक, अस्पताल जस्ता पूर्वाधार अगाडि बढाएकाले त्यो सहन नसकेर प्रतिक्रियावादीहरूले सरकार ढालेको ओलीको आरोप छ । अब १४ महिना पार्टी प्रतिपक्षमा रहेर जनताका बीचमा जाने र अर्को निर्वाचनबाट पुनः सत्तामा फर्किने भन्दै ओलीले कार्यकर्तालाई आश्वस्त पारेका थिए ।

उनले पार्टीबाट अलग्गिएको माधव नेपाल नेतृत्व नेकपा एकीकृत समाजवादीलाई पिलोको संज्ञा दिएका छन् । ‘पिलो निचोर्दैमा शरीरको वजन घट्दैन । माधव नेपाललगायत केही व्यक्तिले पार्टी छाड्दैमा एमालेलाई घाटा हुँदैन’, उनले भने ।

माधव नेपाललाइ कमरेड भन्न सकिन्न

माधव नेपालले एमालेमा रहँदा जनविरोधी र अपराधपूर्ण काम गरेको आरोप लगाउँदै ओलीले उनलाई कमरेड भन्न नसकिने बताए । ‘पार्टीलाई ध्वस्त बनाउन खोज्नेलाई कमरेड भन्न सकिँदैन । उनी जनविरोधी हुन् । पार्टी नेतृत्वको सरकार रहँदा उनले समर्थनमा एक शब्द पनि बोलेनन्’, ओलीले भने ।

भेलालाई सम्बोधन गर्दै एमालेका उपमहासचिव विष्णु पौडेलले आउँदो चुनावमा माधव नेपालको पार्टी २०५४ सालमा विभाजन भएको मालेको जस्तै हुने दाबी गरे । ‘माधव नेपालको पार्टीले चुनावमा एक सिट पनि जित्दैन, जमानत जोगाउन पनि मुस्किल पर्नेछ, त्यो पार्टी स्वार्थी तत्त्वहरूको झुण्ड मात्र हो’, उनले भने ।

उनले कांग्रेसको नेतृत्वमा क्रान्तिकारी विचार र अग्रगमन देख्नेहरूले केवल स्वार्थको राजनीति गरिरहेको भन्दै विकासको नेतृत्व एमालेबाट मात्र संभव रहेको दाबी गरे । पौडेलले स्वार्थका लागि पार्टी कब्जा गर्न खोज्दा नसकेपछि कांग्रेसको शरणमा पुगेर सरकार ढालिएको आरोप लगाए ।

उनले दुई महिनासम्म मन्त्रिपरिषद्लाई पूर्णता दिन नसक्ने सरकारले अरू केही केही गर्न नसक्ने जिकिर गरे ।

पार्टीका अर्का उपमहासचिव घनश्याम भुसालले एमाले जिम्मेवारपूर्ण भूमिकामा रहनुपर्ने भन्दै त्यसो भएमा एमालेलाई हराउने शक्ति कोही नजन्मिने बताए । पार्टीमा आएको विभाजनपछि एमाले घाइते अवस्थामा रहेको भन्दै भुसालले चुनावपछि पुरानै अवस्थामा फर्काइने बताए ।

भेलालाई पार्टी स्थायी कमिटी सदस्य छविलाल विश्वकर्मा, रूपन्देही जिल्ला अध्यक्ष शिवराज सुवेदी, सचिव जगेश्वरदेवी चौधरीलगायतले सम्बोधन गरेका थिए ।

तपाइको प्रतिक्रिया
(Visited 1 times, 1 visits today)

अन्य समाचार पनि पढ्नुहोस्

घमिरको वडा कार्यालयमा तेस्रो पटक तोडफोड
फुपूले पाँच वर्षिय बालकलाई चाउ चाउ खान दिइन्, अनि घाँटी थिचेर मारिन्
कोरोना संक्रमणबाट एकै दिन २४६ को मृत्यु, ८,१७३ संक्रमित
बेलकोटगढीमा पहिरो जाँदा एक जनाको मृत्यु, १० परिवार बिस्थापित
नेदरल्यान्ड्ससँग नेपाल स्तब्ध
एमसीसीको अनावश्यक विरोध

आजको समाचार

कसले बुझिदेला मुटु रोगी पार्वतीका दुःख
‘बाजुरा बैकुण्ठ रैछ’
इलाममा पत्नी र छोरीको टोकेर हत्या

साताका लोकप्रिय समाचार

कसले बुझिदेला मुटु रोगी पार्वतीका दुःख
यहि श्रावण १७ र १८ गते शैक्षिक मेला हुँदै ,४२ भन्दा धेरै कलेजले भाग लिने
उपराष्ट्रपतिकी श्रीमती पक्राउ

ट्रेन्डिङ

epaper

प्रमुख

इलाममा पत्नी र छोरीको टोकेर हत्या
प्रदेश २ मा विश्वविद्यालयसम्बन्धी अध्यादेश सिफारिस
आज देशभर एमाले पालिका अधिवेशन, अध्यक्ष ओलीले भर्चुअल उद्घाटन गर्ने
स्थानीय तहको निर्वाचन ५ चैतमा प्रस्ताव

भर्खरै

कसले बुझिदेला मुटु रोगी पार्वतीका दुःख
Kumar Raut || 26 October 2021
बैतडी । बैतडीको पाटन नगरपालिका–५ बसन्तपुरकी ४८ बर्षीय पार्वती ठगुन्ना मुटु रोगबाट पीडित छिन् । गंगालाल मुटुरोग अस्पताल काठमाडौंका...

कुरी-कुरी