काठमाडौं । प्रधानन्यायधिश चोलेन्द्र शमसेर विरुद्ध वकिलहरु आन्दोलित भएपछि सेवाग्राही मारमा परेका छन् ।

न्याय पाउने आशमा रौतहट सर्लाहीलगायतका जिल्लावाट आएका सर्वसाधारण अदालत छेउछाउमा रुल्ल टुल्ल थिए । मुद्दाको फैसला हुने आसमा आएकाहरु सर्वोच्च अदालत प्राङ्गणको स्थिती देखेपछि निराश थिए । आफ्ना मुद्दामा कयौं पटक पेशी तकिए पनि फैसला नहुने समस्याले काठमाण्डौ आउनै समस्या हुन थालेको अदालत प्राङ्गणमा भेटिएका सर्वसाधारणको भनाई थियो ।

खेतमा पाकेको धान थन्क्याउन छोडेर अदालतले तोकेको पेशी अनुसार फैसलाका आसमाआएका मध्ये एक हुन् बारा बेनौलीका जवाहीर महरा चमार, रधुमहरा चमार र रौतहटका जादोलाल साह कानु । पेशी तोकिएको पाँचौ पटक हो । बिहान १० बजेलाई पेशी तोकिएपछि उनीहरु रातारात काठमाडौं आएका थिए ।सर्वोच्च अदालतको गेटमा प्रहरीले रोके संगै अक्कन बक्क भए ।