वीरगन्ज । प्रदेशस्तरीय फुटबल प्रतियोगिताको उपाधिका लागि बारा र सप्तरी भिड्ने भएको छ । पर्साको आदर्शनगर रंगशालामा भएको दोस्रो सेमिफाइनल खेलमा धनुषालाई ४–१ले पराजित गर्दै बारा फाइलनमा प्रवेश गरेकोहो २५ माघमा उपाधि भिडन्त हुने आयोजक जीपी कोइराला फाउन्डेसनका अध्यक्ष मोहमद सहाबुद्दिनले बताए ।
बिहीबार भएको सेमिफाइनलमा दुवै टिमका बीच निर्धारित समयमा कुनै पनि गोल हुन सकेन । अन्ततः निर्णयका लागि ट्राइब्रेकरको बाटो रोज्नु प¥यो । ट्राइब्रेकरमा बाराले ४ गोल ग¥यो ।
आठ जिल्ला रहेको प्रदेश नम्बर २ को प्रदेशस्तरीय पहिलो फुटबल प्रतियोगितामा पर्सा–धनुषा, बारा–सिरहा, महोत्तरी–रौतहट, र सर्लाही–सप्तरी गरी सबै जिल्ला फुटबल संघले भाग लिएका हुन् । ती फुटबल संघले भाग लिएको प्रतियोगितामा धनुषा, बारा, महोत्तरी र सप्तरी सेमिफाइनलमा प्रवेश गरे । जसमा बुधबार र बिहीबार भएको सेमिफाइनलमा प्रदेश २ को सुदुरपूर्वमा रहेको सप्तरी र पश्चिममा रहेको बारा उपाधिका लागि भिड्ने बिहीबारको खेलले पक्का भएको हो । प्रतियोगिता स्व.गिरिजाप्रसाद कोइरालाको स्मृतिमा जीपी कोइराला फाउन्डेसन पर्साले आयोजना गरेको हो ।
