जनकपुरधाम । कोरोना भाइरस संक्रमण जोखिमलाई दृष्टिगत गरी जिल्ला प्रहरी कार्यालय धनुषाले थुनुवालाई धरौटीमा हिरासतमुक्त गर्न सुरु गरेको छ । गम्भीर प्रकृतिका मुद्दाबाहेकलाई हिरासतमुक्त गरिने प्रशासनले जनाएको छ ।
भाइरस संक्रण जोखिमलाई ध्यानमा राखी थुनुवाको संख्या कम गर्ने रणनीतिअनुरूप सामान्य प्रकृतिका मुद्दाका थुनुवालाई कानूनी प्रक्रिया पु-याई हिरासतमुक्त गर्न लागिएको जिल्ला प्रहरी कार्यालय धनुषाका प्रहरी नायब उपरीक्षक रामेश्वर कार्कीले दिएका छन ।
कोरोना भाइरसको संक्रमणको स्थितिलाई मध्यनजर गर्दै प्रतिनिधिसभाको कानून, न्याय तथा मानव अधिकार समितिले कारागारमा रहेका थुनुवाको संख्या घटाउन सरकारलाई निर्देशन दिएको थियो । सो कार्यालयमा विभिन्न प्रकृतिका मुद्दाका ६० जना थुनुवा रहेका छन् । १२ जनालाई अहिलेसम्म धरौटीमा हिरासतमुक्त गरिएको छ भने सोमवार १० जना थुनुवालाई मुद्दा हेर्ने अधिकारी समक्ष पेश गरिएकोे छ । आज उनीहरु पनि छोडने सम्भावना रहेको छ ।
